Mańǵystaýdaǵy úi janýarlary Aqtóbe, Atyraý jáne Soltústik Qazaqstan oblystaryna tasymaldanady, dep habarlaidy "Ult aqparat" Aýyl sharýashylyǵy ministrligine silteme jasap.
Qazirgi kezde Mańǵystaý men Qyzylorda oblysynyń Aral aýdanyn kóktemde jaýyn-shashynnyń bolmaýy saldarynan qýańshylyq jailaǵan.
Qalyptasqan jaǵdaida jem-shóptiń bolmaýynan atalǵan óńirlerdiń mal sharýashylyǵy salasy zardap shekti.
Mańǵystaý oblysynyń turǵyndaryna kómek retinde respýblikanyń basqa óńirlerinen eki apta ishinde 13 myń túp jáne 92 oram shóp ákelindi. Qosymsha, Qostanai oblysy apta saiyn 5 vagonnan kebek jóneltýde. Aqtóbe jáne Atyraý oblystary Mańǵystaýlyq sharýalarǵa óz aýmaqtarynda shóp shabýǵa múmkindik berdi.
Shóp satyp alýdy «Kaspii» ÁKK qarjylandyrdy (204 mln teńge). Óz kezeginde, Azyq-túlik korporatsiiasy 637 tonna arpany 17%-ǵa tómendetilgen baǵamen satty.
Mańǵystaý oblysynyń agroqurylymdarynda maldyń qystaýy úshin jáne jeke qosalqy sharýashylyqtardyń jem satyp alýy úshin Úkimet rezervinen 1,9 mlrd.teńge bólinedi.
Onymen qosa, jaiylymdyq jaǵdailary jazǵy jaiýdy júzege asyrýǵa múmkindik beretin Beineý jáne Qaraqiia aýdandaryna maldy tasymaldaý júzege asyrylýda. Sondai-aq, Aqtóbe, Atyraý jáne Soltústik Qazaqstan oblystarynyń aýmaǵyna jaz kezinde mal jaiý úshin 2260 bas jylqy, 3 myń qoi, 200 túie jáne 1010 bas IQM tasymaldandy.
Jalpy alǵanda, Mańǵystaý oblysyndaǵy jaǵdai turaqtandy, mal ólimi toqtady.
Qyzylorda oblysynyń Aral aýdanyna jońyshqa jetkizý uiymdastyryldy, sonymen qatar, myń tonnadan astam shóp, 40 tonna qunarly jem tústi. Azyq-túlik korporatsiiasy arqyly 600 tonna arpa satyp alý týraly kelisim-shart jasaldy. Sondai-aq, jem-shópti 10-15% arzandatylǵan satý boiynsha aýyl sharýashylyǵy jármeńkesi ótkizildi. Budan basqa, jergilikti biýdjet qarajaty esebinen azyq qunyn sýbsidiialaýǵa 3,4 mlrd.teńge kóleminde qarajat bólý týraly másele qarastyrylýda.
Qyzylorda oblysynyń Aral aýdanyndaǵy jaǵdai da turaqtandy, mal ólimi faktileri tirkelmedi.
Aýyl sharýashylyǵy ministrliginiń janynan jem-shóppen qamtamasyz etý jáne jedel den qoiý máselelerin sheshýdi úilestirý úshin respýblikalyq jedel shtab quryldy, onyń quramyna oblystar men aýdandar ákimderiniń orynbasarlary, Azyq-túlik korporatsiiasy men Báiterek holdingi uiymdarynyń basshylary engizildi.
Oblys ákimdikteri aldaǵy ýaqytta aýyl sharýashylyǵy maldaryn qystaýǵa jem daiyndaý josparyn aiqyndap, apta saiyn monitoring júrgize otyryp, olardy oryndaý boiynsha jumystar uiymdastyrady.
