ماڭعىستاۋداعى ٷي جانۋارلارى اقتٶبە, اتىراۋ جەنە سولتٷستٸك قازاقستان وبلىستارىنا تاسىمالدانادى, دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنە سٸلتەمە جاساپ.
قازٸرگٸ كەزدە ماڭعىستاۋ مەن قىزىلوردا وبلىسىنىڭ ارال اۋدانىن كٶكتەمدە جاۋىن-شاشىننىڭ بولماۋى سالدارىنان قۋاڭشىلىق جايلاعان.
قالىپتاسقان جاعدايدا جەم-شٶپتٸڭ بولماۋىنان اتالعان ٶڭٸرلەردٸڭ مال شارۋاشىلىعى سالاسى زارداپ شەكتٸ.
ماڭعىستاۋ وبلىسىنىڭ تۇرعىندارىنا كٶمەك رەتٸندە رەسپۋبليكانىڭ باسقا ٶڭٸرلەرٸنەن ەكٸ اپتا ٸشٸندە 13 مىڭ تٷپ جەنە 92 ورام شٶپ ەكەلٸندٸ. قوسىمشا, قوستاناي وبلىسى اپتا سايىن 5 ۆاگوننان كەبەك جٶنەلتۋدە. اقتٶبە جەنە اتىراۋ وبلىستارى ماڭعىستاۋلىق شارۋالارعا ٶز اۋماقتارىندا شٶپ شابۋعا مٷمكٸندٸك بەردٸ.
شٶپ ساتىپ الۋدى «كاسپيي» ەكك قارجىلاندىردى (204 ملن تەڭگە). ٶز كەزەگٸندە, ازىق-تٷلٸك كورپوراتسيياسى 637 توننا ارپانى 17%-عا تٶمەندەتٸلگەن باعامەن ساتتى.
ماڭعىستاۋ وبلىسىنىڭ اگروقۇرىلىمدارىندا مالدىڭ قىستاۋى ٷشٸن جەنە جەكە قوسالقى شارۋاشىلىقتاردىڭ جەم ساتىپ الۋى ٷشٸن ٷكٸمەت رەزەرۆٸنەن 1,9 ملرد.تەڭگە بٶلٸنەدٸ.
ونىمەن قوسا, جايىلىمدىق جاعدايلارى جازعى جايۋدى جٷزەگە اسىرۋعا مٷمكٸندٸك بەرەتٸن بەينەۋ جەنە قاراقييا اۋداندارىنا مالدى تاسىمالداۋ جٷزەگە اسىرىلۋدا. سونداي-اق, اقتٶبە, اتىراۋ جەنە سولتٷستٸك قازاقستان وبلىستارىنىڭ اۋماعىنا جاز كەزٸندە مال جايۋ ٷشٸن 2260 باس جىلقى, 3 مىڭ قوي, 200 تٷيە جەنە 1010 باس ٸقم تاسىمالداندى.
جالپى العاندا, ماڭعىستاۋ وبلىسىنداعى جاعداي تۇراقتاندى, مال ٶلٸمٸ توقتادى.
قىزىلوردا وبلىسىنىڭ ارال اۋدانىنا جوڭىشقا جەتكٸزۋ ۇيىمداستىرىلدى, سونىمەن قاتار, مىڭ توننادان استام شٶپ, 40 توننا قۇنارلى جەم تٷستٸ. ازىق-تٷلٸك كورپوراتسيياسى ارقىلى 600 توننا ارپا ساتىپ الۋ تۋرالى كەلٸسٸم-شارت جاسالدى. سونداي-اق, جەم-شٶپتٸ 10-15% ارزانداتىلعان ساتۋ بويىنشا اۋىل شارۋاشىلىعى جەرمەڭكەسٸ ٶتكٸزٸلدٸ. بۇدان باسقا, جەرگٸلٸكتٸ بيۋدجەت قاراجاتى ەسەبٸنەن ازىق قۇنىن سۋبسيدييالاۋعا 3,4 ملرد.تەڭگە كٶلەمٸندە قاراجات بٶلۋ تۋرالى مەسەلە قاراستىرىلۋدا.
قىزىلوردا وبلىسىنىڭ ارال اۋدانىنداعى جاعداي دا تۇراقتاندى, مال ٶلٸمٸ فاكتٸلەرٸ تٸركەلمەدٸ.
اۋىل شارۋاشىلىعى مينيسترلٸگٸنٸڭ جانىنان جەم-شٶپپەن قامتاماسىز ەتۋ جەنە جەدەل دەن قويۋ مەسەلەلەرٸن شەشۋدٸ ٷيلەستٸرۋ ٷشٸن رەسپۋبليكالىق جەدەل شتاب قۇرىلدى, ونىڭ قۇرامىنا وبلىستار مەن اۋداندار ەكٸمدەرٸنٸڭ ورىنباسارلارى, ازىق-تٷلٸك كورپوراتسيياسى مەن بەيتەرەك حولدينگٸ ۇيىمدارىنىڭ باسشىلارى ەنگٸزٸلدٸ.
وبلىس ەكٸمدٸكتەرٸ الداعى ۋاقىتتا اۋىل شارۋاشىلىعى مالدارىن قىستاۋعا جەم دايىنداۋ جوسپارىن ايقىنداپ, اپتا سايىن مونيتورينگ جٷرگٸزە وتىرىپ, ولاردى ورىنداۋ بويىنشا جۇمىستار ۇيىمداستىرادى.
