Búginde Mańǵystaý oblysynda Ekinshi dúniejúzi soǵysynyń alty ardageri turady. Uly Jeńis merekesine orai árqaisyna 1 million teńgeden berildi, dep habarlaidy "Ult aqparat".
Bir jolǵy materialdyq kómek basqa sanattaǵy tulǵalarǵa da qarastyrylǵan.
Mysaly, Leningrad qorshaýynda bolǵan eki azamatqa 120 250 teńgeden, Aqtaý qalasynda turatyn 394 tyl eńbekkerine 96 200 teńgeden, aýdandarda turatyn 325 tyl eńbekkerine 40 AEK beriledi.
Soǵys jyldarynda ekinshi ret neke qurmaǵandar, jesirlerge Aqtaý qalasy boiynsha 120 250 teńge, aýdandarda 40 AEK teńgeden tólenedi.
Sonymen qatar, Ekinshi dúniejúzi soǵysy jyldarynda tylda minsiz eńbek etkenderge Aqtaý qalasy boiynsha 96 200 teńge, aýdandarǵa 40 AEK beriledi.
Basqa memleketterdiń aýmaǵynda urysqa qatystan ardagerlerge de jeńis kúnine orai qala boiynsha 120 250 teńge, aýdandarǵa 50 AEK tólenedi.
Al, áskeri qyzmette múgedek bolǵan qatysýshylarǵa Aqtaý qalasy boiynsha 144 300 teńgeden, aýdandarda 60 AEK kómek kórsetiledi.
