بٷگٸندە ماڭعىستاۋ وبلىسىندا ەكٸنشٸ دٷنيەجٷزٸ سوعىسىنىڭ التى ارداگەرٸ تۇرادى. ۇلى جەڭٸس مەرەكەسٸنە وراي ەرقايسىنا 1 ميلليون تەڭگەدەن بەرٸلدٸ, دەپ حابارلايدى "ۇلت اقپارات".
بٸر جولعى ماتەريالدىق كٶمەك باسقا ساناتتاعى تۇلعالارعا دا قاراستىرىلعان.
مىسالى, لەنينگراد قورشاۋىندا بولعان ەكٸ ازاماتقا 120 250 تەڭگەدەن, اقتاۋ قالاسىندا تۇراتىن 394 تىل ەڭبەككەرٸنە 96 200 تەڭگەدەن, اۋدانداردا تۇراتىن 325 تىل ەڭبەككەرٸنە 40 اەك بەرٸلەدٸ.
سوعىس جىلدارىندا ەكٸنشٸ رەت نەكە قۇرماعاندار, جەسٸرلەرگە اقتاۋ قالاسى بويىنشا 120 250 تەڭگە, اۋدانداردا 40 اەك تەڭگەدەن تٶلەنەدٸ.
سونىمەن قاتار, ەكٸنشٸ دٷنيەجٷزٸ سوعىسى جىلدارىندا تىلدا مٸنسٸز ەڭبەك ەتكەندەرگە اقتاۋ قالاسى بويىنشا 96 200 تەڭگە, اۋداندارعا 40 اەك بەرٸلەدٸ.
باسقا مەملەكەتتەردٸڭ اۋماعىندا ۇرىسقا قاتىستان ارداگەرلەرگە دە جەڭٸس كٷنٸنە وراي قالا بويىنشا 120 250 تەڭگە, اۋداندارعا 50 اەك تٶلەنەدٸ.
ال, ەسكەري قىزمەتتە مٷگەدەك بولعان قاتىسۋشىلارعا اقتاۋ قالاسى بويىنشا 144 300 تەڭگەدەن, اۋدانداردا 60 اەك كٶمەك كٶرسەتٸلەدٸ.
