Mańǵystaý oblysynda perzenthanada jatqan júkti áielden koronavirýs anyqtaldy, dep habarlaidy "Ult aqparat".
Oblystyq kommmýnikatsiia ortalyǵynyń málimetinshe, 19 qazandaǵy jaǵdai boiynsha óńirdegi infektsiialyq statsionarlarda 54 adam em qabyldaýda. Onyń ekeýinen PTR-testileý qorytyndysy oń nátije kórsetken. Olardyń biri – perzenthanada jatqan júkti áiel, ekinshisi – oblystyq balalar aýrýhanasyna túsken sábi. Qalǵan 52 adamǵa koranavirýstyq pnevmoniia diagnozy qoiylǵan.
«Qazirgi ýaqytta jansaqtaý bóliminde 3 naýqas jatyr. Onyń 2-niń jaǵdaiy aýyr, taǵy 1 naýqas óte aýyr hálde dep baǵalanýda. Olardyń jaǵdaiynyń nasharlaýyna jedel tynys jetispeýshiligi jáne ilespe aýrýlardyń bolýy sebep. Búginde aimaqtyń oqshaýlaý oryndaryndaǵy tósek-oryn júktemesi 25 paiyzdy quraidy», - delingen habarlamada.
Búginde aimaq boiynsha 215 infektsiialyq tósek-oryn men 9 statsionar bar. Budan bólek taǵy 11 statsionar men 1835 kereýet qoldanysqa ázir. Barlyq tehnika, múlikpen qamtylǵan bul orynda rezervte tur.
Aita keteiik, KVI-diń kelesi tolqynyna ázirlik aiasynda 70 myń adam tumaýǵa qarsy ekpe alady dep josparlanǵan. Búginde 90 protsentine ekpe salyndy. Olardyń basym kópshiligin júkti áielder, jii aýyratyn tulǵalar men esepte turǵan azamattar quraidy.
