ماڭعىستاۋ وبلىسىندا پەرزەنتحانادا جاتقان جٷكتٸ ەيەلدەن كوروناۆيرۋس انىقتالدى, دەپ حابارلايدى "ۇلت اقپارات".
وبلىستىق كومممۋنيكاتسييا ورتالىعىنىڭ مەلٸمەتٸنشە, 19 قازانداعى جاعداي بويىنشا ٶڭٸردەگٸ ينفەكتسييالىق ستاتسيونارلاردا 54 ادام ەم قابىلداۋدا. ونىڭ ەكەۋٸنەن پتر-تەستٸلەۋ قورىتىندىسى وڭ نەتيجە كٶرسەتكەن. ولاردىڭ بٸرٸ – پەرزەنتحانادا جاتقان جٷكتٸ ەيەل, ەكٸنشٸسٸ – وبلىستىق بالالار اۋرۋحاناسىنا تٷسكەن سەبي. قالعان 52 ادامعا كوراناۆيرۋستىق پنەۆمونييا دياگنوزى قويىلعان.
«قازٸرگٸ ۋاقىتتا جانساقتاۋ بٶلٸمٸندە 3 ناۋقاس جاتىر. ونىڭ 2-نٸڭ جاعدايى اۋىر, تاعى 1 ناۋقاس ٶتە اۋىر حەلدە دەپ باعالانۋدا. ولاردىڭ جاعدايىنىڭ ناشارلاۋىنا جەدەل تىنىس جەتٸسپەۋشٸلٸگٸ جەنە ٸلەسپە اۋرۋلاردىڭ بولۋى سەبەپ. بٷگٸندە ايماقتىڭ وقشاۋلاۋ ورىندارىنداعى تٶسەك-ورىن جٷكتەمەسٸ 25 پايىزدى قۇرايدى», - دەلٸنگەن حابارلامادا.
بٷگٸندە ايماق بويىنشا 215 ينفەكتسييالىق تٶسەك-ورىن مەن 9 ستاتسيونار بار. بۇدان بٶلەك تاعى 11 ستاتسيونار مەن 1835 كەرەۋەت قولدانىسقا ەزٸر. بارلىق تەحنيكا, مٷلٸكپەن قامتىلعان بۇل ورىندا رەزەرۆتە تۇر.
ايتا كەتەيٸك, كۆي-دٸڭ كەلەسٸ تولقىنىنا ەزٸرلٸك اياسىندا 70 مىڭ ادام تۇماۋعا قارسى ەكپە الادى دەپ جوسپارلانعان. بٷگٸندە 90 پروتسەنتٸنە ەكپە سالىندى. ولاردىڭ باسىم كٶپشٸلٸگٸن جٷكتٸ ەيەلدەر, جيٸ اۋىراتىن تۇلعالار مەن ەسەپتە تۇرعان ازاماتتار قۇرايدى.
