Mańǵystaý oblysynda politsiia qyzmetkerleri er adamnan 41 keli marihýana jáne iri kólemde aqsha tárkiledi, – dep habarlaidy Polisia.kz.
"Mańǵystaý oblysy Politsiia departamenti Uiymdasqan qylmysqa qarsy kúres basqarmasynyń qyzmetkerleri Esirtki qylmysyna qarsy is-qimyl basqarmasynyń qyzmetkerlerimen birlesip, kelip túsken aqparat boiynsha jedel-izdestirý is-sharalary barysynda 25 qarasha saǵat 02:30 shamasynda Aqtaý qalasyndaǵy 11-shaǵyn aýdannyń kópqabatty úileriniń birinde turaqtaǵan 40 jastaǵy kúdiktini ustady.
Jeke tintý barysynda marihýananyń 12 paketi tárkilendi. Odan keiin turǵylyqty jeri boiynsha tintý júrgizý kezinde politseiler 11 úlken polietilen paketke salynǵan marihýanany tapty. Tárkilengen zattardyń jalpy salmaǵy – 41 keli" - delingen habarlamada.
Sonymen qatar kúdiktiden 3,3 mln teńgege jýyq aqshalai qarajat tárkilengen. Ol óz áreketin tolyqtai moiyndaǵan.
"Bul derek Aqtaý qalasy PB SDTBT-da QR-niń QK 296-baby 4-bóligi boiynsha tirkeldi. Sotqa deiingi tergeý amaldary júrgizilip jatyr. Sot-saraptamalyq zertteý taǵaiyndaldy.
Kúdikti ýaqytsha ustaý izoliatoryna qamaldy. Tergeý múddesi úshin ózge aqparat jariia etilmeidi" - delingen PD habarlamasynda.
