ماڭعىستاۋ وبلىسىندا پوليتسييا قىزمەتكەرلەرٸ ەر ادامنان 41 كەلٸ ماريحۋانا جەنە ٸرٸ كٶلەمدە اقشا تەركٸلەدٸ, – دەپ حابارلايدى Polisia.kz.
"ماڭعىستاۋ وبلىسى پوليتسييا دەپارتامەنتٸ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸمەن بٸرلەسٸپ, كەلٸپ تٷسكەن اقپارات بويىنشا جەدەل-ٸزدەستٸرۋ ٸس-شارالارى بارىسىندا 25 قاراشا ساعات 02:30 شاماسىندا اقتاۋ قالاسىنداعى 11-شاعىن اۋداننىڭ كٶپقاباتتى ٷيلەرٸنٸڭ بٸرٸندە تۇراقتاعان 40 جاستاعى كٷدٸكتٸنٸ ۇستادى.
جەكە تٸنتۋ بارىسىندا ماريحۋانانىڭ 12 پاكەتٸ تەركٸلەندٸ. ودان كەيٸن تۇرعىلىقتى جەرٸ بويىنشا تٸنتۋ جٷرگٸزۋ كەزٸندە پوليتسەيلەر 11 ٷلكەن پوليەتيلەن پاكەتكە سالىنعان ماريحۋانانى تاپتى. تەركٸلەنگەن زاتتاردىڭ جالپى سالماعى – 41 كەلٸ" - دەلٸنگەن حابارلامادا.
سونىمەن قاتار كٷدٸكتٸدەن 3,3 ملن تەڭگەگە جۋىق اقشالاي قاراجات تەركٸلەنگەن. ول ٶز ەرەكەتٸن تولىقتاي مويىنداعان.
"بۇل دەرەك اقتاۋ قالاسى پب سدتبت-دا قر-نٸڭ قك 296-بابى 4-بٶلٸگٸ بويىنشا تٸركەلدٸ. سوتقا دەيٸنگٸ تەرگەۋ امالدارى جٷرگٸزٸلٸپ جاتىر. سوت-ساراپتامالىق زەرتتەۋ تاعايىندالدى.
كٷدٸكتٸ ۋاقىتشا ۇستاۋ يزولياتورىنا قامالدى. تەرگەۋ مٷددەسٸ ٷشٸن ٶزگە اقپارات جارييا ەتٸلمەيدٸ" - دەلٸنگەن پد حابارلاماسىندا.
