Foto:depositphotos.com
Mańǵystaý oblysynda pyshaq jaraqatynan 44 jastaǵy áiel qaza tapty. Onyń artynda jeti balasy qalǵan, - dep habarlaidy Ult.kz Lada.kz basylymyna silteme jasap.
Óńirlik politsiia departamentiniń baspasóz qyzmetiniń málimetinshe, qaiǵyly oqiǵa 29 qańtarda Jańaózende bolǵan. Qylmys jasady degen kúdik marqumnyń kúieýine túsip otyr. Er adam ustalyp, ýaqytsha ustaý izoliatoryna qamaldy.
Erli-zaiyptynyń arasynda turmystyq jaǵdaiǵa bailanysty janjal shyǵyp, ol qaiǵyly jaǵdaimen aiaqtalǵany aldyn ala anyqtaldy.
Bul derek boiynsha Qazaqstan Respýblikasy Qylmystyq kodeksiniń 99-baby 2-bóligi (Adam óltirý) boiynsha qylmystyq is qozǵaldy. Qazir bolǵan oqiǵanyń barlyq mán-jaiyn jan-jaqty, tolyq ári obektivti anyqtaýǵa baǵyttalǵan tergeý áreketteri júrgizilip jatyr.
