Biyl Mańǵystaý, Atyraý oblystarynyń túlekteri úshin 10 myń grant bólinedi. Bul granttar boiynsha atalmysh óńir túlekteri kez kelgen oblysta bilim alýǵa quqyly. Tek diplom alǵan soń týǵan ólkesine oralýy kerek, dep habarlaidy QazAqparat.
Úkimet otyrsynda Bilim jáne ǵylym ministri Ashat Aimaǵambetov osyndai aqparat berdi.
«2022 jyly granttar sany 10% artady. Buǵan qosa tehnikalyq mamandyqtarǵa arnalǵan granttardyń úlesi 40%-dan 60%-ǵa deiin ulǵaitylady. Sondai-aq, aýyldyq kvota da biyl 35%-ǵa deiin ulǵaitylady.
Bilim sapasy jaǵynan alshaqtyǵy bar óńirlerdiń abitýrientterine tehnikalyq baǵyttary boiynsha qosymsha 10 000 nysanaly grant bólinetin bolady. Biz taldaý júrgizip, óńirlerdi anyqtadyq. Bul – Mańǵystaý, Atyraý oblystary. Josparǵa sáikes stýdentter elimizdiń jetekshi joǵary oqý oryndarynda bilim alatyn bolady. Sondai-aq, oqý aiaqtalǵan soń turǵylyqty jerlerine baryp óteý kózdeledi», - dedi ministr.
Onyń aitýynsha, ekonomkalyq mamandyqtardyń bakalavriattaryn daiyndaý merzimi qysqarýy múmkin.
«Ekonomika úshin kadrlardy jedel daiarlaý úshin biyl pilottyq rejimde 2,5-3 jyl oqytýmen qoldanbaly bakalavriat engizile bastalady.
Joǵarǵy bilim berýde «onlain-oqytý» jańa nysanyn engizý josparlanýda. Tiisti zań jobasy Májiliste qaralýda. Bul tsifrlandyrý zamanynyń suranysyna sai keletin shara», - dedi Ashat Aimaǵambetov.
