بيىل ماڭعىستاۋ, اتىراۋ وبلىستارىنىڭ تٷلەكتەرٸ ٷشٸن 10 مىڭ گرانت بٶلٸنەدٸ. بۇل گرانتتار بويىنشا اتالمىش ٶڭٸر تٷلەكتەرٸ كەز كەلگەن وبلىستا بٸلٸم الۋعا قۇقىلى. تەك ديپلوم العان سوڭ تۋعان ٶلكەسٸنە ورالۋى كەرەك, دەپ حابارلايدى قازاقپارات.
ٷكٸمەت وتىرسىندا بٸلٸم جەنە عىلىم مينيسترٸ اسحات ايماعامبەتوۆ وسىنداي اقپارات بەردٸ.
«2022 جىلى گرانتتار سانى 10% ارتادى. بۇعان قوسا تەحنيكالىق ماماندىقتارعا ارنالعان گرانتتاردىڭ ٷلەسٸ 40%-دان 60%-عا دەيٸن ۇلعايتىلادى. سونداي-اق, اۋىلدىق كۆوتا دا بيىل 35%-عا دەيٸن ۇلعايتىلادى.
بٸلٸم ساپاسى جاعىنان الشاقتىعى بار ٶڭٸرلەردٸڭ ابيتۋريەنتتەرٸنە تەحنيكالىق باعىتتارى بويىنشا قوسىمشا 10 000 نىسانالى گرانت بٶلٸنەتٸن بولادى. بٸز تالداۋ جٷرگٸزٸپ, ٶڭٸرلەردٸ انىقتادىق. بۇل – ماڭعىستاۋ, اتىراۋ وبلىستارى. جوسپارعا سەيكەس ستۋدەنتتەر ەلٸمٸزدٸڭ جەتەكشٸ جوعارى وقۋ ورىندارىندا بٸلٸم الاتىن بولادى. سونداي-اق, وقۋ اياقتالعان سوڭ تۇرعىلىقتى جەرلەرٸنە بارىپ ٶتەۋ كٶزدەلەدٸ», - دەدٸ مينيستر.
ونىڭ ايتۋىنشا, ەكونومكالىق ماماندىقتاردىڭ باكالاۆرياتتارىن دايىنداۋ مەرزٸمٸ قىسقارۋى مٷمكٸن.
«ەكونوميكا ٷشٸن كادرلاردى جەدەل دايارلاۋ ٷشٸن بيىل پيلوتتىق رەجيمدە 2,5-3 جىل وقىتۋمەن قولدانبالى باكالاۆريات ەنگٸزٸلە باستالادى.
جوعارعى بٸلٸم بەرۋدە «ونلاين-وقىتۋ» جاڭا نىسانىن ەنگٸزۋ جوسپارلانۋدا. تيٸستٸ زاڭ جوباسى مەجٸلٸستە قارالۋدا. بۇل تسيفرلاندىرۋ زامانىنىڭ سۇرانىسىنا ساي كەلەتٸن شارا», - دەدٸ اسحات ايماعامبەتوۆ.
