Ulybritaniialyq BAQ kýágerlerge silteme jasai otyryp, amerikalyq ánshi Ariana Grandeniń kontserti ótken «Manchester-Arena» stadionynda eki jarylystyń bolǵanyn habarlady, - dep jazady RIA Novosti.
Qalalyq jabyq stadion alańynda bolǵan jarylystan jiyrma adam qaza taýyp, júzdegen adam zardap shekti, deidi TASS agenttigi.
Jarylys biletter satylatyn dálizde bolǵan. Qazirgi ýaqytta oqiǵa ornynda arnaiy mamandar jumys júrgizýde.
Stadionǵa 21 myń adam siiady. Kýágerlerdiń aitýynsha, jarylys kontsert aiaqtalyp, kórermender alańnan shyǵyp ketkennen keiin bolǵan.
«Ariana Grande sońǵy ánin oryndap, sahnadan túsip ketti. Sol sátte qatty jarylystyń daýysy shyqty. Myńdaǵan adamnyń alańnan shyǵýǵa talpynyp, aiqailap jylaǵan daýysy estildi», - deidi oqiǵa kýágeri Daily Mail basylymyna bergen suhbatynda.
