ۇلىبريتانييالىق باق كۋەگەرلەرگە سٸلتەمە جاساي وتىرىپ, امەريكالىق ەنشٸ اريانا گراندەنٸڭ كونتسەرتٸ ٶتكەن «مانچەستەر-ارەنا» ستاديونىندا ەكٸ جارىلىستىڭ بولعانىن حابارلادى, - دەپ جازادى ريا نوۆوستي.
قالالىق جابىق ستاديون الاڭىندا بولعان جارىلىستان جيىرما ادام قازا تاۋىپ, جٷزدەگەن ادام زارداپ شەكتٸ, دەيدٸ تاسس اگەنتتٸگٸ.
جارىلىس بيلەتتەر ساتىلاتىن دەلٸزدە بولعان. قازٸرگٸ ۋاقىتتا وقيعا ورنىندا ارنايى ماماندار جۇمىس جٷرگٸزۋدە.
ستاديونعا 21 مىڭ ادام سييادى. كۋەگەرلەردٸڭ ايتۋىنشا, جارىلىس كونتسەرت اياقتالىپ, كٶرەرمەندەر الاڭنان شىعىپ كەتكەننەن كەيٸن بولعان.
«اريانا گراندە سوڭعى ەنٸن ورىنداپ, ساحنادان تٷسٸپ كەتتٸ. سول سەتتە قاتتى جارىلىستىڭ داۋىسى شىقتى. مىڭداعان ادامنىڭ الاڭنان شىعۋعا تالپىنىپ, ايقايلاپ جىلاعان داۋىسى ەستٸلدٸ», - دەيدٸ وقيعا كۋەگەرٸ Daily Mail باسىلىمىنا بەرگەن سۇحباتىندا.
