Manas Qaiyrtai: "Saǵan ǵashyqtyǵymdy aitady aspan..."

Manas Qaiyrtai–1994 jyly mamyr aiynyń 20-synda ShQO, Tarbaǵatai aýdany, Ókpeti taýynda týǵan.

Qazir «31 arna» jańalyqtar qyzmetiniń tilshi-redaktory

***

Qupiia tunǵan syr quiylyp,

Tuńǵiyq janaryń nur ushqyn.

Kezdessem kózimmen iilip,

Men ishtei tanystym, bilistim.

Isteitin ózgeshe bar ma ermek?

Bir ǵajap azapty júkteisiń.

Qaramai qalýǵa dármen joq,

Qarasam qalady bitpei til.

Jigerim jete almai «Sálemge»,

Til búgip qalyppyn taǵy da.

«Tynyshtyq» deituǵyn álemge,

Men únsiz beiilmen baǵynam.

Qasymnan ótesiń kúlimdep,

Qasyńnan ótemin súrinip.

Dúnie turady dirildep,

Sendegi kirpikke ilinip.

Bar álem kózińniń ishinde,

Kózińniń ishinde  - keń dala.

Sol jaqqa óńim men túsimde,

Ene almai júrgen jan men ǵana...

***

Tógilip tústi tegi jyr ónip,

Tolqyn sezimim týlaǵasyn ba?

Sen basqa adamnyń serigi bolyp,

Seiil qurasyń sý jaǵasynda.

Syrtyńnan sonda torydym jatyp,

Tory muńǵa bul bólenbegen em.

Tolqytqan boidy tobyǵyń batyp,

Sen kórgen tolqyn – men órgen óleń.

Jibektei jaýlap basty kóldei muń,

Boiymdy baýrap Baiandai kúldiń.

Súimeimin seni, jaqsy kórmeimin,

Degim keledi, dei almai júrmin.

Keýdesin tosyp, jebeden de ólgen,

Mahabbat jeli jelpidi kóne.

Qozy Kórpesh pen Tólegenderden,

Bekejan, Qodar kem súidi deme.

Kúrsintpes ómir kúle bilgendi,

Sezim joryǵy – bulyńǵyr eles.

Jaýlap alamyn júregińdi endi,

Beibit jolmenen zulymdyq emes.

***

Dir etti sezim dir etti,

Súiemiz sóitip bárimiz.

Eziltip ǵaziz júrekti,

Egilip ǵasyl janymyz.

Dúrdaraz bolyp alyppyz,

Mahabbattan jan úrkidi.

Súiem dep aitý paryqsyz,

Kúiem deý tipti kúlkili.

Babanyń sonaý kezi úlgi,

Qol bulǵap ketken bul kúnnen.

Qos janaryndaǵy sezimdi,

Qas-qabaǵymenen bildirgen.

Qanshama arý qyz ótti-aý,

Unatam dep te aita almai.

Sezimin únsiz qum etti-aý,

Syrtynan túk te baiqalmai.

Talailar solai qamyqty,

Dep túidik bir sát bekerge oi.

Ar deitin eki-aq áripti,

Arzandatpaǵan eken ǵoi.

Solardyń kúiik, sheri úshin,

Aldynda basty ier me eń?!

Súie almai ketkender úshin,

Bireýdi essiz súiem men!

Kúrsinbe

Kóktiń sharaby,
 Jańbyr jaýady.
 Sybdyr molaiyp,
 Ánge salady.

Aspan egildi,
 Jasy tógildi.
 Seniń jasyńa,
 Ómir kómildi.

Jalǵyz júrsiń be?
 Qashqan kúlkiń de.
 Aspan sekildi,
 Janym, kúrsinbe!

Bári basylar,
 Táńir baqylar.
 Qara bultynan,
 Asnan ashylar.

Janyń jai tabar,
 Baǵyń jaiqalar.
 Mendei syr saǵan,
 Kim kep aita alar?!

Kúrsinbe!

                               Názik gúl

Terezeniń jaqtaýynda qaýyz jarǵan gúl názik,

Ketsem be eken japyraǵyna kúlgin tústi muń jazyp?

Men bir gúlden qaldym bólek, ýysymnan shyǵardym,

Shyndyq úshin qulazydym, shyndyq úshin qýandym.

Jek kórýge kúshtep júrmin júregimdi barynsha,

Jutar edim oilanbastan dárisi onyń tabylsa.

Sen alysqa ketken saiyn barasyń-aý jaqyndap,

Táýlikterge jutylady sezim baiǵus lapyldap.

Jyrym búgin jabyrqady, jaltarasyń deme sen,

Qyzyl gúlim, qyzylyńa ǵashyq bolǵan emes em.

Kirpigimde kólbeńdeidi sary saǵym qas-qaǵym,

Qaýyzyńdy jarasyń-aý topyraǵyna basqanyń.

Qudyretke júginsem de, bastalady jol jańa,

Ókinishti sol ǵana.

...Terezeniń jaqtaýynda qaýyz jarǵan gúl názik,

Kettim jasyl japyraǵyna kúlgin tústi muń jazyp.

  Sen úshin

Ashylǵanda kóńilimniń túndigi,

Sen dep nuryn tógedi eken kún nury.

Áýenimen terbetedi jer-kókti,

Sen dep sairap júregimniń bulbuly.

Kókjiekten qylań berip qyzyl kún,

Keskigińe qarai-qarai súzildim.

Perdesinen páktik qana kórdim men,

Perishte kep uialaǵan júzińniń.

Jatyrqaisyń qylyqtym-aý sen nesin?!

Júregińe senim kelip tórlesin.

Mahabbattyń kúiin shertip otyram,

Sezimimniń basyp sulý pernesin.

Kúiin shertip sen dep soqqan júrektiń,

Olqy jerin ýaqyt óte túzettim.

Sol áýenmen qalyqtar dep kógimde,

Alaqannan aq kógershin túlettim.

Bári-bári bir sen úshin, kerimim,

Ai aimalap, kún súisingen kórigiń -

Mahabbatta meniń basty tiregim -

Seniń, erkem, kúmáni joq senimiń.

Bir armanǵa jetkizer me júz úmit,

Qaita jalǵap ketse biri úzilip.

Mahabbattyń áýeniniń máýeli,

Ketpese eken qulaq kúii buzylyp.

Súie alarsyń sen de solai meni shyn,

Óziń deýmen keńeiedi órisim.

Senbeisiń-aý dep tolqidy bu júrek,

Senseń bári sen úshin.                 

Muń

Saǵynyp seni tarylyp tegi tynys tym,

Súisingish edim súikimdi seniń kórkińe.

Sezimge boilap, kózińde oinap bir ushqyn,

Jandyrdy-ai júz ot qaldyrmai júrek erkime.

Erkeligińdi jeńse búgingi sezimiń,

Sen senimińdi erte búlindi demegin.

Jyrymdy saǵan, muńymdy saǵan telidim,

Joq aiyp munda ǵajaiyp syrǵa bóle myń.

Mánsiz mahabbat, álsiz mahabbat senbeýde,

Ózińsiz qalyp kóńilsiz ǵarip kúidemin.

Taǵy muń qalar jaryǵyn jaǵar keýdemde,

Sabyrymdy alar jazyǵym bolar súigenim.

Qylamyn jaryq shyraǵyn jaǵyp úmittiń,

Ótken jaqtarǵa, ketken shaqtarǵa úńildim.

Barlyǵy esimde qarly keshinde sýyqtyń,

Qyzarǵany da, qýanǵany da júzińniń.

Kúnderdi talai, túnderdi sanai kúzetken,

Sharq urdy sezim, taýsyldy tózim, sabyrym.

Ókingin deme, óshirdim deme júrekten,

Oralshy qaita, qol alshy qaita, jaryǵym.

                                              ***

Órt elesiń, ózekti órtemeshi,

Erkeleshi erkem kel, erkeleshi.

Asyl músin kórkińe masairaǵan,

Basym bútin bolǵanmen bólshek esi.

Qasyńda men júrippin baiqamastan,

Jasyrǵan em, erkimmen taitalasqam.

Tań almasyp qupiiam áshkere endi,

Saǵan ǵashyqtyǵymdy aitady aspan.

Kóńil gúlin terbeidi kúlip tańdar,

Sezim jyryn qostaǵan bult, taýlar.

Syrǵa baiyp dalamen úndesetin,

Bul ǵajaiyr sátimdi umytpańdar.

Bizge, sirá, senbeseń syna meni,

Gúlden sura shertilgen syr áýeni.

Bar tózimniń bitkenin saǵan aitsyn,

Jan sezimniń jany joq kýágeri.

  Pendelikter ishindegi pendelik

Toqsan bes túmen túzem quryp, túrgen sap,

Súreńdengen sary dalada súrleý sap.

Tulparlardyń tuiaǵynan ot órgen,

Jeti qat jerdiń shań qaǵyn,

Jeti qat kókke kótergen.

Jarty álemdi jalpaǵynan baǵyndyrǵan Shyńǵys han,

Qarsy kelgen dáti berik kil dushpan,

Oiran topyr orǵa qulap tobyry,

Qan maidanda jer jastanyp, qyr qushqan.

Aspan astyn ámirine qaratý –

Arman týy kóterildi

Toǵyz quiryq qyl bailanǵan qasietti ala tý!

Aibatynan alty ǵalam túrshigip,

Qaharyna qarsy kele almaǵan.

Qairatynan qarys eli tanbaǵan.

Qan sýsaǵan qaiqy qylysh sýsyldap,

Qynabynda tura almas.

Aqyq asyl jarqyldaǵan júzi almas.

Orhon menen Kerýlenniń arasy,

Ótúkenniń baiyrqatty dalasy.

Kindik etip qanyp ishken tunyǵyn,

Kún batysqa qulashtatyp quzyryn.

Altyn bosaǵaly aq orda,

Kúmis jaqtaý arqalyq,

Kók tiretip tik turǵyzǵan tuǵyryn.

Qara jerdi qaiystyra quba jonnan qulatyp

San myń tuiaq túligin.

Gúldariǵa arý súigen, bilekke orap burymyn.

Pendelik dep qaiteiin?

El birligi emirengen erge qut,

Ultaraqtai uipalanǵan jer de qut.

Ulan-ǵaiyr atyrapty kem kórip,

Kere qarys qabaǵyńdy keń kerip.

Dúniege qyzyl kózben qaradyń,

«Pendelikter ishindegi pendelik».

Jeńisti erge ainalǵanda eń dara,

Tabanyńda jorǵalady túgeli.

Ermek emes, enshiń bolyp ien dala,

Tarazysy teń taǵdyr,

O, qaharman, Temújún!

O, bahadúr, han Shyńǵys!

Buiyrǵany barlyǵynan jeti súiem jer ǵana,

Jan bilmeitin jermen-jeksen kór mola,

Netken ǵalamat pendelik?!

***

Saǵynyp júrmin aýyldy Barqytbeldegi,
 Ózge eldi senen bul balań artyq kórmedi.
 Tóbemnen ótti qańqyldap sary ala qazdar,
 Qiqýy meniń keýdemdi shalqyp kernedi.

Sary ala qazdyń qaitqany salqyn kelgeni,
 Saǵynyshymdy údetti ár kúnder meniń.
 Qara tai minip qiqýlap kósile shapqan,
 Ańsatady ǵoi boz jýsan altyn beldegi.

Óz ortasynan izdeidi taǵylym pende,
 Birimin sonyń jarqyra, jaryǵym sónbe.
 Qalada ósip jaiqalyp kórkeisem eger,
 Tereńderine taralar tamyrym sende.

«Týǵan jer» dese oinaidy saǵynysh áni,
 Sanamda oilar san saqqa sabylysady.
 Ómirim osy qalada ótip jatsa da,
 Kóńilim meni aýylǵa alyp ushady.

Alaida, munda oqýdan jalyqpaǵanmyn,
 Juldyzy bolý maqsatym jaryq ǵalamnyń.
 Saǵynyshymmen basýǵa maýqymdy mynaý,
 Amandyq bolsa az kúnde baryp qalarmyn.

                                                        ***

Kóshesinde Almatynyń kóktem júr,

Kóshesinde Almatynyń kólik júr.

Boi jylytyp eskek samal esken bir,

Silkingendei jer-dúnie ómir dúr.

Terezemniń syrt jaǵynan syǵalap,

Qimai-qimai erip, jylap qys ketti.

Jasyl kiip Alataý men qyr, alap,

Qanatynan kóktem maýlap qus kepti.

Mezgil jetip jalǵas tapty ertegim,

Kóredi ekem ózińdi ylǵi túsimde.

Qabaǵyńnan kóktem izdep men seniń,

Júrgendeimin óńkei eles ishinde.

*** 
Qupiia tunǵan syr quiylyp, 
Tuńǵiyq janaryń nur ushqyn. 
Kezdessem kózimmen iilip, 
Men ishtei tanystym, bilistim. 

Isteitin ózgeshe bar ma ermek? 
Bir ǵajap azapty júkteisiń. 
Qaramai qalýǵa dármen joq, 
Qarasam qalady bitpei til. 

Jigerim jete almai «Sálemge», 
Til búgip qalyppyn taǵy da. 
«Tynyshtyq» deituǵyn álemge, 
Men únsiz beiilmen baǵynam. 

Qasymnan ótesiń kúlimdep, 
Qasyńnan ótemin súrinip. 
Dúnie turady dirildep, 
Sendegi kirpikke ilinip. 

Bar álem kózińniń ishinde, 
Kózińniń ishinde - keń dala. 
Sol jaqqa óńim men túsimde, 
Ene almai júrgen jan men ǵana... 

 

*** 

Tógilip tústi tegi jyr ónip, 
Tolqyn sezimim týlaǵasyn ba? 
Sen basqa adamnyń serigi bolyp, 
Seiil qurasyń sý jaǵasynda. 

Syrtyńnan sonda torydym jatyp, 
Tory muńǵa bul bólenbegen em. 
Tolqytqan boidy tobyǵyń batyp, 
Sen kórgen tolqyn – men órgen óleń. 

Jibektei jaýlap basty kóldei muń, 
Boiymdy baýrap Baiandai kúldiń. 
Súimeimin seni, jaqsy kórmeimin, 
Degim keledi, dei almai júrmin. 

Keýdesin tosyp, jebeden de ólgen, 
Mahabbat jeli jelpidi kóne. 
Qozy Kórpesh pen Tólegenderden, 
Bekejan, Qodar kem súidi deme. 

Kúrsintpes ómir kúle bilgendi, 
Sezim joryǵy – bulyńǵyr eles. 
Jaýlap alamyn júregińdi endi, 
Beibit jolmenen zulymdyq emes. 

*** 

Dir etti sezim dir etti, 
Súiemiz sóitip bárimiz. 
Eziltip ǵaziz júrekti, 
Egilip ǵasyl janymyz. 

Dúrdaraz bolyp alyppyz, 
Mahabbattan jan úrkidi. 
Súiem dep aitý paryqsyz, 
Kúiem deý tipti kúlkili. 

Babanyń sonaý kezi úlgi, 
Qol bulǵap ketken bul kúnnen. 
Qos janaryndaǵy sezimdi, 
Qas-qabaǵymenen bildirgen. 

Qanshama arý qyz ótti-aý, 
Unatam dep te aita almai. 
Sezimin únsiz qum etti-aý, 
Syrtynan túk te baiqalmai. 

Talailar solai qamyqty, 
Dep túidik bir sát bekerge oi. 
Ar deitin eki-aq áripti, 
Arzandatpaǵan eken ǵoi. 

Solardyń kúiik, sheri úshin, 
Aldynda basty ier me eń?! 
Súie almai ketkender úshin, 
Bireýdi essiz súiem men! 

Kúrsinbe 

Kóktiń sharaby, 
Jańbyr jaýady. 
Sybdyr molaiyp, 
Ánge salady. 

Aspan egildi, 
Jasy tógildi. 
Seniń jasyńa, 
Ómir kómildi. 

Jalǵyz júrsiń be? 
Qashqan kúlkiń de. 
Aspan sekildi, 
Janym, kúrsinbe! 

Bári basylar, 
Táńir baqylar. 
Qara bultynan, 
Asnan ashylar. 

Janyń jai tabar, 
Baǵyń jaiqalar. 
Mendei syr saǵan, 
Kim kep aita alar?! 

Kúrsinbe! 

Názik gúl 

Terezeniń jaqtaýynda qaýyz jarǵan gúl názik, 
Ketsem be eken japyraǵyna kúlgin tústi muń jazyp? 

Men bir gúlden qaldym bólek, ýysymnan shyǵardym, 
Shyndyq úshin qulazydym, shyndyq úshin qýandym. 

Jek kórýge kúshtep júrmin júregimdi barynsha, 
Jutar edim oilanbastan dárisi onyń tabylsa. 

Sen alysqa ketken saiyn barasyń-aý jaqyndap, 
Táýlikterge jutylady sezim baiǵus lapyldap. 

Jyrym búgin jabyrqady, jaltarasyń deme sen, 
Qyzyl gúlim, qyzylyńa ǵashyq bolǵan emes em. 

Kirpigimde kólbeńdeidi sary saǵym qas-qaǵym, 
Qaýyzyńdy jarasyń-aý topyraǵyna basqanyń. 

Qudyretke júginsem de, bastalady jol jańa, 
Ókinishti sol ǵana. 

...Terezeniń jaqtaýynda qaýyz jarǵan gúl názik, 
Kettim jasyl japyraǵyna kúlgin tústi muń jazyp. 



Sen úshin 

Ashylǵanda kóńilimniń túndigi, 
Sen dep nuryn tógedi eken kún nury. 
Áýenimen terbetedi jer-kókti, 
Sen dep sairap júregimniń bulbuly. 

Kókjiekten qylań berip qyzyl kún, 
Keskigińe qarai-qarai súzildim. 
Perdesinen páktik qana kórdim men, 
Perishte kep uialaǵan júzińniń. 

Jatyrqaisyń qylyqtym-aý sen nesin?! 
Júregińe senim kelip tórlesin. 
Mahabbattyń kúiin shertip otyram, 
Sezimimniń basyp sulý pernesin. 

Kúiin shertip sen dep soqqan júrektiń, 
Olqy jerin ýaqyt óte túzettim. 
Sol áýenmen qalyqtar dep kógimde, 
Alaqannan aq kógershin túlettim. 

Bári-bári bir sen úshin, kerimim, 
Ai aimalap, kún súisingen kórigiń - 
Mahabbatta meniń basty tiregim - 
Seniń, erkem, kúmáni joq senimiń. 

Bir armanǵa jetkizer me júz úmit, 
Qaita jalǵap ketse biri úzilip. 
Mahabbattyń áýeniniń máýeli, 
Ketpese eken qulaq kúii buzylyp. 

Súie alarsyń sen de solai meni shyn, 
Óziń deýmen keńeiedi órisim. 
Senbeisiń-aý dep tolqidy bu júrek, 
Senseń bári sen úshin. 

Muń 

Saǵynyp seni tarylyp tegi tynys tym, 
Súisingish edim súikimdi seniń kórkińe. 
Sezimge boilap, kózińde oinap bir ushqyn, 
Jandyrdy-ai júz ot qaldyrmai júrek erkime. 

Erkeligińdi jeńse búgingi sezimiń, 
Sen senimińdi erte búlindi demegin. 
Jyrymdy saǵan, muńymdy saǵan telidim, 
Joq aiyp munda ǵajaiyp syrǵa bóle myń. 

Mánsiz mahabbat, álsiz mahabbat senbeýde, 
Ózińsiz qalyp kóńilsiz ǵarip kúidemin. 
Taǵy muń qalar jaryǵyn jaǵar keýdemde, 
Sabyrymdy alar jazyǵym bolar súigenim. 

Qylamyn jaryq shyraǵyn jaǵyp úmittiń, 
Ótken jaqtarǵa, ketken shaqtarǵa úńildim. 
Barlyǵy esimde qarly keshinde sýyqtyń, 
Qyzarǵany da, qýanǵany da júzińniń. 

Kúnderdi talai, túnderdi sanai kúzetken, 
Sharq urdy sezim, taýsyldy tózim, sabyrym. 
Ókingin deme, óshirdim deme júrekten, 
Oralshy qaita, qol alshy qaita, jaryǵym. 

*** 

Órt elesiń, ózekti órtemeshi, 
Erkeleshi erkem kel, erkeleshi. 
Asyl músin kórkińe masairaǵan, 
Basym bútin bolǵanmen bólshek esi. 

Qasyńda men júrippin baiqamastan, 
Jasyrǵan em, erkimmen taitalasqam. 
Tań almasyp qupiiam áshkere endi, 
Saǵan ǵashyqtyǵymdy aitady aspan. 

Kóńil gúlin terbeidi kúlip tańdar, 
Sezim jyryn qostaǵan bult, taýlar. 
Syrǵa baiyp dalamen úndesetin, 
Bul ǵajaiyr sátimdi umytpańdar. 

Bizge, sirá, senbeseń syna meni, 
Gúlden sura shertilgen syr áýeni. 
Bar tózimniń bitkenin saǵan aitsyn, 
Jan sezimniń jany joq kýágeri. 

Pendelikter ishindegi pendelik 

Toqsan bes túmen túzem quryp, túrgen sap, 
Súreńdengen sary dalada súrleý sap. 
Tulparlardyń tuiaǵynan ot órgen, 
Jeti qat jerdiń shań qaǵyn, 
Jeti qat kókke kótergen. 
Jarty álemdi jalpaǵynan baǵyndyrǵan Shyńǵys han, 
Qarsy kelgen dáti berik kil dushpan, 
Oiran topyr orǵa qulap tobyry, 
Qan maidanda jer jastanyp, qyr qushqan. 
Aspan astyn ámirine qaratý – 
Arman týy kóterildi 
Toǵyz quiryq qyl bailanǵan qasietti ala tý! 
Aibatynan alty ǵalam túrshigip, 
Qaharyna qarsy kele almaǵan. 
Qairatynan qarys eli tanbaǵan. 
Qan sýsaǵan qaiqy qylysh sýsyldap, 
Qynabynda tura almas. 
Aqyq asyl jarqyldaǵan júzi almas. 
Orhon menen Kerýlenniń arasy, 
Ótúkenniń baiyrqatty dalasy. 
Kindik etip qanyp ishken tunyǵyn, 
Kún batysqa qulashtatyp quzyryn. 
Altyn bosaǵaly aq orda, 
Kúmis jaqtaý arqalyq, 
Kók tiretip tik turǵyzǵan tuǵyryn. 
Qara jerdi qaiystyra quba jonnan qulatyp 
San myń tuiaq túligin. 
Gúldariǵa arý súigen, bilekke orap burymyn. 

Pendelik dep qaiteiin? 
El birligi emirengen erge qut, 
Ultaraqtai uipalanǵan jer de qut. 
Ulan-ǵaiyr atyrapty kem kórip, 
Kere qarys qabaǵyńdy keń kerip. 
Dúniege qyzyl kózben qaradyń, 
«Pendelikter ishindegi pendelik». 

Jeńisti erge ainalǵanda eń dara, 
Tabanyńda jorǵalady túgeli. 
Ermek emes, enshiń bolyp ien dala, 
Tarazysy teń taǵdyr, 
O, qaharman, Temújún! 
O, bahadúr, han Shyńǵys! 
Buiyrǵany barlyǵynan jeti súiem jer ǵana, 
Jan bilmeitin jermen-jeksen kór mola, 
Netken ǵalamat pendelik?! 

*** 

Saǵynyp júrmin aýyldy Barqytbeldegi, 
Ózge eldi senen bul balań artyq kórmedi. 
Tóbemnen ótti qańqyldap sary ala qazdar, 
Qiqýy meniń keýdemdi shalqyp kernedi. 

Sary ala qazdyń qaitqany salqyn kelgeni, 
Saǵynyshymdy údetti ár kúnder meniń. 
Qara tai minip qiqýlap kósile shapqan, 
Ańsatady ǵoi boz jýsan altyn beldegi. 

Óz ortasynan izdeidi taǵylym pende, 
Birimin sonyń jarqyra, jaryǵym sónbe. 
Qalada ósip jaiqalyp kórkeisem eger, 
Tereńderine taralar tamyrym sende. 

«Týǵan jer» dese oinaidy saǵynysh áni, 
Sanamda oilar san saqqa sabylysady. 
Ómirim osy qalada ótip jatsa da, 
Kóńilim meni aýylǵa alyp ushady. 

Alaida, munda oqýdan jalyqpaǵanmyn, 
Juldyzy bolý maqsatym jaryq ǵalamnyń. 
Saǵynyshymmen basýǵa maýqymdy mynaý, 
Amandyq bolsa az kúnde baryp qalarmyn. 

*** 

Kóshesinde Almatynyń kóktem júr, 
Kóshesinde Almatynyń kólik júr. 
Boi jylytyp eskek samal esken bir, 
Silkingendei jer-dúnie ómir dúr. 

Terezemniń syrt jaǵynan syǵalap, 
Qimai-qimai erip, jylap qys ketti. 
Jasyl kiip Alataý men qyr, alap, 
Qanatynan kóktem maýlap qus kepti. 

Mezgil jetip jalǵas tapty ertegim, 
Kóredi ekem ózińdi ylǵi túsimde. 
Qabaǵyńnan kóktem izdep men seniń, 
Júrgendeimin óńkei eles ishinde. 

Manas Qaiyrtai – 1994 jyly mamyr aiynyń 20-synda ShQO, Tarbaǵatai aýdany, Ókpeti taýynda týǵan. "Barqytbel" atty jyr jinǵy jaryq kórgen. Qazir «31 arna» jańalyqtar qyzmetiniń tilshi-redaktory.

Ult portaly