Májilis depýtaty Rinat Zaiytov MÁMS ataýynyń ózinde qatelik baryn aitty, dep habarlaidy "Ult aqparat" El.kz aqparat agenttigine silteme jasap.
Májilistiń Áleýmettik-mádeni damý komitetiniń otyrysynda depýtat Rinat Zaiytov densaýlyq saqtaý ministri Aqmaral Álnazarovaǵa MÁMS-tiń zaty ǵana emes, aty da qate ekenin jetkizdi. Depýtat óz sózine mysal keltirip berdi.
Onyń ishinde birinshisi – Prezidenttiń sózin burmalaý. Prezident joldaýynda «mindetti» degen sózdi aitqan joq. Onda «erikti áleýmettik meditsinalyq saqtandyrýdy tájiribege engizýdi usynamyn» dedi. Bizdikiler «shash al dese, bas alady». Erikti degendi mindetti qylyp jiberdik. MÁMS-ti qazir toqtata almasaq, men sizge bir mysal aityp bereiin. Aiagózde MÁMS-tiń joqtyǵynan adam qaitys bolǵan. Sondyqtan jappai halyqty qabyldaityn júie oilap tabýlaryńyzdy suraimyn, - dedi depýtat.
Sonymen qatar Rinat Zaiytov halyqtyń jan basyn qarjylandyrý boiynsha aýdandardan, aýyldardan kelgen shaǵymdardyń kóbeiip ketkenine toqtaldy.
Mysaly, aýylda bir adamda diabet delik. Oǵan adam tolmaidy dep dári bermeitin kórinedi. Ol jaǵdaida ne isteý kerek? Olardyń barlyǵyn bir aýylǵa turǵyzyp qoiamyz ba? - dep depýtat óz saýalyn ministrge joldady.
