مەجٸلٸس دەپۋتاتى رينات زايىتوۆ مەمس اتاۋىنىڭ ٶزٸندە قاتەلٸك بارىن ايتتى, دەپ حابارلايدى "ۇلت اقپارات" El.kz اقپارات اگەنتتٸگٸنە سٸلتەمە جاساپ.
مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ وتىرىسىندا دەپۋتات رينات زايىتوۆ دەنساۋلىق ساقتاۋ مينيسترٸ اقمارال ەلنازاروۆاعا مەمس-تٸڭ زاتى عانا ەمەس, اتى دا قاتە ەكەنٸن جەتكٸزدٸ. دەپۋتات ٶز سٶزٸنە مىسال كەلتٸرٸپ بەردٸ.
ونىڭ ٸشٸندە بٸرٸنشٸسٸ – پرەزيدەنتتٸڭ سٶزٸن بۇرمالاۋ. پرەزيدەنت جولداۋىندا «مٸندەتتٸ» دەگەن سٶزدٸ ايتقان جوق. وندا «ەرٸكتٸ ەلەۋمەتتٸك مەديتسينالىق ساقتاندىرۋدى تەجٸريبەگە ەنگٸزۋدٸ ۇسىنامىن» دەدٸ. بٸزدٸكٸلەر «شاش ال دەسە, باس الادى». ەرٸكتٸ دەگەندٸ مٸندەتتٸ قىلىپ جٸبەردٸك. مەمس-تٸ قازٸر توقتاتا الماساق, مەن سٸزگە بٸر مىسال ايتىپ بەرەيٸن. اياگٶزدە مەمس-تٸڭ جوقتىعىنان ادام قايتىس بولعان. سوندىقتان جاپپاي حالىقتى قابىلدايتىن جٷيە ويلاپ تابۋلارىڭىزدى سۇرايمىن, - دەدٸ دەپۋتات.
سونىمەن قاتار رينات زايىتوۆ حالىقتىڭ جان باسىن قارجىلاندىرۋ بويىنشا اۋدانداردان, اۋىلداردان كەلگەن شاعىمداردىڭ كٶبەيٸپ كەتكەنٸنە توقتالدى.
مىسالى, اۋىلدا بٸر ادامدا ديابەت دەلٸك. وعان ادام تولمايدى دەپ دەرٸ بەرمەيتٸن كٶرٸنەدٸ. ول جاعدايدا نە ٸستەۋ كەرەك? ولاردىڭ بارلىعىن بٸر اۋىلعا تۇرعىزىپ قويامىز با? - دەپ دەپۋتات ٶز ساۋالىن مينيسترگە جولدادى.
