Vaktsinanyń bolý-bolmaýy boiynsha eshqandai problema joq. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Virýstyń reprodýktivtilik indeksi 0,95 quraidy. Aýrýhanalardaǵy tósek-oryndar – 33, jan saqtaý bólimderi 26 paiyzǵa toly. Degenmen 6 óńir «qyzyl aimaqta»: Nur-Sultan, Almaty, Batys Qazaqstan, Aqmola, Qaraǵandy, Atyraý oblystary. Búgingi tańda koronavirýsqa qarsy shamamen 3 mln ekpe jasaldy.
Sonyń ishinde, alǵashqy komponentpen 2 mln-nan astam, ekinshi komponentpen 1 mln-ǵa jýyq adam vaktsina aldy», - dedi Úkimet basshysy.
Onyń atap ótýinshe, vaktsina qorlaryn toltyrý, egý pýnktteriniń sanyn arttyrý boiynsha sharalar qabyldanyp jatyr. Vaktsinanyń bolý-bolmaýy boiynsha eshqandai problema joq.
«Qazir egý naýqanyn keńeitý pandemiiamen kúresýde eń mańyzdy mindet bolyp tabylady. Densaýlyq saqtaý ministrligi men ákimdikterge vaktsinalaý qarqynyn arttyrýdy tapsyramyn», - dedi Asqar Mamin.
