ۆاكتسينانىڭ بولۋ-بولماۋى بويىنشا ەشقانداي پروبلەما جوق. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«ۆيرۋستىڭ رەپرودۋكتيۆتٸلٸك يندەكسٸ 0,95 قۇرايدى. اۋرۋحانالارداعى تٶسەك-ورىندار – 33, جان ساقتاۋ بٶلٸمدەرٸ 26 پايىزعا تولى. دەگەنمەن 6 ٶڭٸر «قىزىل ايماقتا»: نۇر-سۇلتان, الماتى, باتىس قازاقستان, اقمولا, قاراعاندى, اتىراۋ وبلىستارى. بٷگٸنگٸ تاڭدا كوروناۆيرۋسقا قارسى شامامەن 3 ملن ەكپە جاسالدى.
سونىڭ ٸشٸندە, العاشقى كومپونەنتپەن 2 ملن-نان استام, ەكٸنشٸ كومپونەنتپەن 1 ملن-عا جۋىق ادام ۆاكتسينا الدى», - دەدٸ ٷكٸمەت باسشىسى.
ونىڭ اتاپ ٶتۋٸنشە, ۆاكتسينا قورلارىن تولتىرۋ, ەگۋ پۋنكتتەرٸنٸڭ سانىن ارتتىرۋ بويىنشا شارالار قابىلدانىپ جاتىر. ۆاكتسينانىڭ بولۋ-بولماۋى بويىنشا ەشقانداي پروبلەما جوق.
«قازٸر ەگۋ ناۋقانىن كەڭەيتۋ پاندەمييامەن كٷرەسۋدە ەڭ ماڭىزدى مٸندەت بولىپ تابىلادى. دەنساۋلىق ساقتاۋ مينيسترلٸگٸ مەن ەكٸمدٸكتەرگە ۆاكتسينالاۋ قارقىنىن ارتتىرۋدى تاپسىرامىن», - دەدٸ اسقار مامين.
