Premer-Ministri Asqar Maminniń ókimimen Mańǵystaý oblysyndaǵy áleýmettik-ekonomikalyq jaǵdaidy qarastyrý úshin Úkimettik komissiia quryldy, dep habarlaidy "Ult aqparat" primeminister.kz-ke silteme jasap.
Memleket basshysynyń tapsyrmasyn oryndaý maqsatynda Úkimet suiytylǵan munai gazynyń baǵasyn retteý boiynsha sharalar toptamasyn iske asyrady.
«Básekelestikti qorǵaý jáne damytý agenttigi AJQS ielerine qatysty baǵalyq sóz bailasý boiynsha tergeýdi bastady.
Qazirgi ýaqytta Mańǵystaý oblysynyń AJQS ieleri biznestiń áleýmettik jaýapkershiligi aiasynda bastamashylyq tártippen gaz qunyn litrine 120 teńgeden 85-90 teńgege deiin tómendetý týraly sheshim qabyldady.
Baǵa dálizderin belgileý arqyly baǵanyń uzaq merzimdi turaqtylyǵyn qamtamasyz etý jáne gaz baǵasynyń alypsatarlyq kóterilýine jol bermeýdiń júieli sharalary júzege asyrylatyn bolady», delingen habarlamada.
Úkimet, Mańǵystaý oblysynyń ákimdigi prokýratýra organdarymen birlesip, qoǵamdyq tártipti buzýmen bailanysty bolǵan oqiǵany quqyqtyq baǵalaý boiynsha sharalar qabyldaidy.
