Qazaqstan Prezidenti Qasym-Jomart Toqaev Premer-Ministr Asqar Mamindi qabyldady, dep habarlaidy "Ult aqparat" Aqordaǵa silteme jasap.
Asqar Mamin Qasym-Jomart Toqaevqa elimizdiń 2020 jyldyń qańtar aiyndaǵy áleýmettik-ekonomikalyq damý qorytyndylary jáne investitsiia tartý máselesine orai qabyldanyp jatqan sharalar týraly esep berdi.
Memleket basshysyna Úkimettiń 2019 jyldyń qorytyndylary jónindegi keńeitilgen otyrysynda berilgen tapsyrmalarynyń oryndalýy jaiynda baiandaldy.
Sonymen qatar Premer-Ministr Prezidentke Jambyl oblysy Qordai aýdanynda bolǵan oqiǵanyń saldaryn joiý jónindegi Úkimettik komissiianyń jumystary týraly aitty.
