Óńirlerde Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrý kerek. Premer-Ministr Asqar Mamin Úkimet otyrysynda Koronavirýs infektsiiasynyń taralýyn boldyrmaý jónindegi vedomstvoaralyq komissiiaǵa osy jóninde tapsyrma berdi, dep habarlaidy QazAqparat.
«Jalpy epidemiologiialyq jaǵdai jaqsaryp keledi, aýrý deńgeii tómendei bastady. Ótken aptada virýstyń reprodýktivtilik indeksi 1-den tómen túsip, qazir 0,93 deńgeiine jetti. Aýrýhanalardaǵy oryndar 49% paiyzǵa, al jansaqtaý bólimderi 46% paiyzǵa júktelgen», - dedi Úkimet basshysy.
Sondai-aq, ol jaýapty organdarǵa vaktsinalaý naýqanyn kúsheitýdi mindettedi.
«Vaktsinanyń birinshi komponentin alǵandardyń sany 6,5 mln adamǵa jýyq, al ekinshi komponentin 5 mln-nan astam adam saldyrdy. Vaktsina saldyrý naýqanyn odan ári kúsheitý qajet. Vedomstvoaralyq komissiiaǵa epidemiologiialyq jaǵdai turaqtalyp jatqan óńirlerdegi Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyramyn», - degen Premer-ministr bul jumystaǵy jalpy baqylaýdy orynbasary Eraly Toǵjanovqa tapsyrdy.
