ٶڭٸرلەردە Ashyq جٷيەسٸنە قاتىساتىن بيزنەس سۋبەكتٸلەرٸ ٷشٸن دەمالىس كٷنگٸ شەكتەۋ شارالارىن جەڭٸلدەتۋ مەسەلەسٸن قاراستىرۋ كەرەك. پرەمەر-مينيستر اسقار مامين ٷكٸمەت وتىرىسىندا كوروناۆيرۋس ينفەكتسيياسىنىڭ تارالۋىن بولدىرماۋ جٶنٸندەگٸ ۆەدومستۆوارالىق كوميسسيياعا وسى جٶنٸندە تاپسىرما بەردٸ, دەپ حابارلايدى قازاقپارات.
«جالپى ەپيدەميولوگييالىق جاعداي جاقسارىپ كەلەدٸ, اۋرۋ دەڭگەيٸ تٶمەندەي باستادى. ٶتكەن اپتادا ۆيرۋستىڭ رەپرودۋكتيۆتٸلٸك يندەكسٸ 1-دەن تٶمەن تٷسٸپ, قازٸر 0,93 دەڭگەيٸنە جەتتٸ. اۋرۋحانالارداعى ورىندار 49% پايىزعا, ال جانساقتاۋ بٶلٸمدەرٸ 46% پايىزعا جٷكتەلگەن», - دەدٸ ٷكٸمەت باسشىسى.
سونداي-اق, ول جاۋاپتى ورگاندارعا ۆاكتسينالاۋ ناۋقانىن كٷشەيتۋدٸ مٸندەتتەدٸ.
«ۆاكتسينانىڭ بٸرٸنشٸ كومپونەنتٸن العانداردىڭ سانى 6,5 ملن ادامعا جۋىق, ال ەكٸنشٸ كومپونەنتٸن 5 ملن-نان استام ادام سالدىردى. ۆاكتسينا سالدىرۋ ناۋقانىن ودان ەرٸ كٷشەيتۋ قاجەت. ۆەدومستۆوارالىق كوميسسيياعا ەپيدەميولوگييالىق جاعداي تۇراقتالىپ جاتقان ٶڭٸرلەردەگٸ Ashyq جٷيەسٸنە قاتىساتىن بيزنەس سۋبەكتٸلەرٸ ٷشٸن دەمالىس كٷنگٸ شەكتەۋ شارالارىن جەڭٸلدەتۋ مەسەلەسٸن قاراستىرۋدى تاپسىرامىن», - دەگەن پرەمەر-مينيستر بۇل جۇمىستاعى جالپى باقىلاۋدى ورىنباسارى ەرالى توعجانوۆقا تاپسىردى.
