.jpg)
QR Premer-Ministri Asqar Mamin Qazaqstanǵa jumys saparymen kelgen Qyrǵyz Respýblikasy Ministrler kabinetiniń Tóraǵasy – Prezidenti ákimshiliginiń basshysy Aqylbek Japarovpen kelissóz júrgizdi, dep habarlaidy primeminister.kz.
Úkimet basshylary saýda-ekonomikalyq, investitsiialyq, sý-energetikalyq, tranzittik-kólik, áskeri-tehnikalyq salalardaǵy, AÓK, ónerkásiptik kooperatsiia men densaýlyq saqtaýdaǵy yntymaqtastyqtyń ózekti máselelerin talqylady.
Ónerkásipte, aýyl sharýashylyǵynda, bilim berý men týrizmde ózara is-qimyldy odan ári keńeitý úshin úlken áleýettiń bar ekeni atap ótildi. Sondai-aq EAEO jáne basqa da integratsiialyq birlestikter aiasyndaǵy yntymaqtastyq máseleleri qaraldy.
Ekijaqty taýar ainalymy 2021 jyldyń 9 aiynda $680 mln-nan asty, bul 2020 jyldyń sáikes kezeńiniń kórsetkishinen 8,8%-ǵa jáne pandemiiaǵa deiingi 2019 jyldyń toǵyz aiyndaǵymen salystyrǵanda 1,2%-ǵa joǵary. Taraptar saýda kólemin $1 mlrd deiin jetkizýge jáne satylatyn taýarlar men qyzmetter nomenklatýrasyn keńeitýge nietti.
Qazaqstan Qyrǵyzstan ekonomikasynyń iri investorlarynyń qatarynda. 2005 jyldan bastap Qazaqstannan Qyrǵyzstanǵa tikelei investitsiialardyń jinaqtalǵan kólemi $1 mlrd-tan asady. Biyl QR-daǵy qyrǵyz kásiporyndarynyń sany 1273-ten 1983 kompaniiaǵa deiin nemese 55%-ǵa artty.
QR Premer-Ministri A. Mamin tranzittik-kólik salasyndaǵy ózara is-qimyldyń oń qarqynyn atap ótti. Eki eldiń shekarasynda 7 avtomobil ótkizý pýnkti jumys isteidi. Osy jyldyń 17 qarashasynan bastap Nur-Sultan – Bishkek baǵyty boiynsha aptasyna 2 ret jiilikpen turaqty áýe reisi qalpyna keltirildi. Búgingi tańda elder arasynda aptasyna 11 reis oryndalady. Osy jyldyń 10 aiynda Qazaqstan aýmaǵy arqyly Qytaidan Qyrǵyzstanǵa taýarlar tranzitiniń kólemi 178 myń tonnadan 265,7 myń tonnaǵa deiin 1,5 ese ósti.
Úkimet basshysy eki eldiń sý-energetika salasyndaǵy yntymaqtastyǵyna, sonyń ishinde Syrdariia, Shý jáne Talas transshekaralyq ózenderiniń sý resýrstaryn retteý jónindegi jedel sharalardy birlesip qabyldaýyna joǵary baǵa berdi. Qyrǵyz tarapynyń Toqtoǵul sý qoimasynan qosymsha sý aǵyzýy Qazaqstannyń ońtústik óńirlerindegi sharýalardyń sý az kezde sýarmaly sýǵa degen qajettiligin qamtamasyz etýge múmkindik bergeni atap ótildi.
Kelissóz qorytyndysy boiynsha Ortalyq Aziia aimaǵynyń qaýipsizdigin qamtamasyz etý sheńberinde Qyrǵyz Respýblikasyna óteýsiz áskeri-tehnikalyq kómek kórsetý týraly úkimetaralyq kelisimge qol qoiyldy.
Eki eldiń densaýlyq saqtaý ministrlikteri arasynda Densaýlyq saqtaý salasyndaǵy referents-zerthanalardy damytý jónindegi 2021-2023 jyldarǵa arnalǵan sharalar josparyna qol qoiyldy.
Qazaqstan Respýblikasynyń Saýda jáne integratsiia ministrligi men Qyrǵyz Respýblikasynyń Ekonomika jáne kommertsiia ministrligi «Qarasý» jáne «Aqtilek» ótkizý pýnktteri aýdanynda indýstriialyq saýda-logistikalyq keshendi, sondai-aq Qyrǵyz Respýblikasynyń aýmaǵynda úsh kóterme-taratý ortalyǵyn qurý jáne olardyń jumys isteýi jónindegi birlesken is-sharalar josparyn qabyldady.
Aqylbek Japarovtyń Nur-Sultan qalasyna sapary aiasynda Memleket basshysy Qasym-Jomart Toqaevpen jáne QR Tuńǵysh Prezidenti – Elbasy Nursultan Nazarbaevpen kezdesýleri, «Astana» halyqaralyq qarjy ortalyǵyna, Úkimettiń tsifrlyq keńsesine jáne basqa da nysandarǵa barýy josparlanǵan.
