مامين قىرعىزستان ٷكٸمەتٸنٸڭ باسشىسىمەن كەلٸسسٶز جٷرگٸزدٸ

قر پرەمەر-مينيسترٸ اسقار مامين قازاقستانعا جۇمىس ساپارىمەن كەلگەن قىرعىز رەسپۋبليكاسى مينيسترلەر كابينەتٸنٸڭ تٶراعاسى – پرەزيدەنتٸ ەكٸمشٸلٸگٸنٸڭ باسشىسى اقىلبەك جاپاروۆپەن كەلٸسسٶز جٷرگٸزدٸ, دەپ حابارلايدى primeminister.kz.

ٷكٸمەت باسشىلارى ساۋدا-ەكونوميكالىق, ينۆەستيتسييالىق, سۋ-ەنەرگەتيكالىق, ترانزيتتٸك-كٶلٸك, ەسكەري-تەحنيكالىق سالالارداعى, اٶك, ٶنەركەسٸپتٸك كووپەراتسييا مەن دەنساۋلىق ساقتاۋداعى ىنتىماقتاستىقتىڭ ٶزەكتٸ مەسەلەلەرٸن تالقىلادى.

ٶنەركەسٸپتە, اۋىل شارۋاشىلىعىندا, بٸلٸم بەرۋ مەن تۋريزمدە ٶزارا ٸس-قيمىلدى ودان ەرٸ كەڭەيتۋ ٷشٸن ٷلكەن ەلەۋەتتٸڭ بار ەكەنٸ اتاپ ٶتٸلدٸ. سونداي-اق ەاەو جەنە باسقا دا ينتەگراتسييالىق بٸرلەستٸكتەر اياسىنداعى ىنتىماقتاستىق مەسەلەلەرٸ قارالدى.

ەكٸجاقتى تاۋار اينالىمى 2021 جىلدىڭ 9 ايىندا $680 ملن-نان استى, بۇل 2020 جىلدىڭ سەيكەس كەزەڭٸنٸڭ كٶرسەتكٸشٸنەن 8,8%-عا جەنە پاندەميياعا دەيٸنگٸ 2019 جىلدىڭ توعىز ايىنداعىمەن سالىستىرعاندا 1,2%-عا جوعارى. تاراپتار ساۋدا كٶلەمٸن $1 ملرد دەيٸن جەتكٸزۋگە جەنە ساتىلاتىن تاۋارلار مەن قىزمەتتەر نومەنكلاتۋراسىن كەڭەيتۋگە نيەتتٸ.

قازاقستان قىرعىزستان ەكونوميكاسىنىڭ ٸرٸ ينۆەستورلارىنىڭ قاتارىندا. 2005 جىلدان باستاپ قازاقستاننان قىرعىزستانعا تٸكەلەي ينۆەستيتسييالاردىڭ جيناقتالعان كٶلەمٸ $1 ملرد-تان اسادى. بيىل قر-داعى قىرعىز كەسٸپورىندارىنىڭ سانى 1273-تەن 1983 كومپانيياعا دەيٸن نەمەسە 55%-عا ارتتى.

قر پرەمەر-مينيسترٸ ا. مامين ترانزيتتٸك-كٶلٸك سالاسىنداعى ٶزارا ٸس-قيمىلدىڭ وڭ قارقىنىن اتاپ ٶتتٸ. ەكٸ ەلدٸڭ شەكاراسىندا 7 اۆتوموبيل ٶتكٸزۋ پۋنكتٸ جۇمىس ٸستەيدٸ. وسى جىلدىڭ 17 قاراشاسىنان باستاپ نۇر-سۇلتان – بٸشكەك باعىتى بويىنشا اپتاسىنا 2 رەت جيٸلٸكپەن تۇراقتى ەۋە رەيسٸ قالپىنا كەلتٸرٸلدٸ. بٷگٸنگٸ تاڭدا ەلدەر اراسىندا اپتاسىنا 11 رەيس ورىندالادى. وسى جىلدىڭ 10 ايىندا قازاقستان اۋماعى ارقىلى قىتايدان قىرعىزستانعا تاۋارلار ترانزيتٸنٸڭ كٶلەمٸ 178 مىڭ توننادان 265,7 مىڭ تونناعا دەيٸن 1,5 ەسە ٶستٸ.

ٷكٸمەت باسشىسى ەكٸ ەلدٸڭ سۋ-ەنەرگەتيكا سالاسىنداعى ىنتىماقتاستىعىنا, سونىڭ ٸشٸندە سىردارييا, شۋ جەنە تالاس ترانسشەكارالىق ٶزەندەرٸنٸڭ سۋ رەسۋرستارىن رەتتەۋ جٶنٸندەگٸ جەدەل شارالاردى بٸرلەسٸپ قابىلداۋىنا جوعارى باعا بەردٸ. قىرعىز تاراپىنىڭ توقتوعۇل سۋ قويماسىنان قوسىمشا سۋ اعىزۋى قازاقستاننىڭ وڭتٷستٸك ٶڭٸرلەرٸندەگٸ شارۋالاردىڭ سۋ از كەزدە سۋارمالى سۋعا دەگەن قاجەتتٸلٸگٸن قامتاماسىز ەتۋگە مٷمكٸندٸك بەرگەنٸ اتاپ ٶتٸلدٸ.

كەلٸسسٶز قورىتىندىسى بويىنشا ورتالىق ازييا ايماعىنىڭ قاۋٸپسٸزدٸگٸن قامتاماسىز ەتۋ شەڭبەرٸندە قىرعىز رەسپۋبليكاسىنا ٶتەۋسٸز ەسكەري-تەحنيكالىق كٶمەك كٶرسەتۋ تۋرالى ٷكٸمەتارالىق كەلٸسٸمگە قول قويىلدى.

ەكٸ ەلدٸڭ دەنساۋلىق ساقتاۋ مينيسترلٸكتەرٸ اراسىندا دەنساۋلىق ساقتاۋ سالاسىنداعى رەفەرەنتس-زەرتحانالاردى دامىتۋ جٶنٸندەگٸ 2021-2023 جىلدارعا ارنالعان شارالار جوسپارىنا قول قويىلدى.

قازاقستان رەسپۋبليكاسىنىڭ ساۋدا جەنە ينتەگراتسييا مينيسترلٸگٸ مەن قىرعىز رەسپۋبليكاسىنىڭ ەكونوميكا جەنە كوممەرتسييا مينيسترلٸگٸ «قاراسۋ» جەنە «اقتٸلەك» ٶتكٸزۋ پۋنكتتەرٸ اۋدانىندا يندۋسترييالىق ساۋدا-لوگيستيكالىق كەشەندٸ, سونداي-اق قىرعىز رەسپۋبليكاسىنىڭ اۋماعىندا ٷش كٶتەرمە-تاراتۋ ورتالىعىن قۇرۋ جەنە ولاردىڭ جۇمىس ٸستەۋٸ جٶنٸندەگٸ بٸرلەسكەن ٸس-شارالار جوسپارىن قابىلدادى.

اقىلبەك جاپاروۆتىڭ نۇر-سۇلتان قالاسىنا ساپارى اياسىندا مەملەكەت باسشىسى قاسىم-جومارت توقاەۆپەن جەنە قر تۇڭعىش پرەزيدەنتٸ – ەلباسى نۇرسۇلتان نازارباەۆپەن كەزدەسۋلەرٸ, «استانا» حالىقارالىق قارجى ورتالىعىنا, ٷكٸمەتتٸڭ تسيفرلىق كەڭسەسٸنە جەنە باسقا دا نىساندارعا بارۋى جوسپارلانعان.