QR Premer-Ministri Asqar Mamin Eýraziialyq úkimetaralyq keńes (EÚAK) otyrysyna qatysyp, onda Qazaqstannyń 2021 jyly EAEO-ǵa tóraǵalyq etýiniń jariialanǵan basymdyqtary boiynsha jumysty kúsheitýge shaqyrdy, dep habarlaidy "Ult aqparat" primeminister.kz saityna silteme jasap.
«Qazaqstan Respýblikasynyń Prezidenti Qasym-Jomart Kemeluly Toqaev odaqqa múshe memleketter basshylarynyń atyna elimizdiń tóraǵalyq etý jylyndaǵy negizgi basymdyqtar belgilengen úndeý joldady. Olar EAEO áreket isteýiniń 6 jyldyq tájiribesin jáne jańa ekonomikalyq jáne áleýmettik shynaiylyq jaǵdaiyndaǵy meilinshe ózekti syn-tegeýrinder men múmkindikterdi eskere otyryp ázirlengen», — dedi A. Mamin.
Úkimet basshysy Qazaqstannyń EAEO organdaryndaǵy tóraǵa ornynda ónerkásiptik kooperatsiiaǵa jańa serpin berýge, ózara saýdadaǵy kedergilerdi joiýǵa, transshekaralyq kólik arteriialary men logistikalyq habtardyń áleýetin tolyqqandy paidalanýǵa, tutastai qamtityn tsifrlandyrýǵa jáne syrtqy naryqtarǵa shyǵýdy keńeitýge nazar aýdaratynyn atap ótti.
«Qazirgi daǵdarys aiasynda qalyptasqan jáne kúsheitilgen trendter, onyń ishinde ondaǵan jyldar boiy qalyptasqan óndiristik jáne kólik tizbekteriniń yǵysýy men joiylýy, jappai tsifrlandyrýǵa nazar aýdarýdyń kúsheiýi, kapital men ótkizý naryqtary úshin básekelestiktiń kúsheiýi qysqa merzimdi bolyp tabylmaidy. Olar jahandyq naryqtarda kóptegen jyldarǵa aldyn ala jaǵdai týdyryp, jańa ekonomikalyq shynaiylyq negiziniń bir bóligine ainalady», — dedi A. Mamin.
Premer-Ministr Qazaqstan Respýblikasy usynyp otyrǵan jumys baǵyttary EAEO elderiniń ortaq múddelerine tolyq sáikes keletinin jáne jańa jaǵdailarda EAEO-nyń ekonomikalyq, óndiristik, saýda, institýtsionaldyq qurylymyn jedel transformatsiialaý qajettigin kórsetetinin atap ótti.
Otyrys barysynda Eýraziialyq ekonomikalyq odaqtyń sharttyq-quqyqtyq bazasyn nyǵaitýǵa baǵyttalǵan birqatar máseleler qaraldy. EEK-tiń EAEO elderindegi makroekonomikalyq ahýal týraly aqparaty tyńdaldy, onda olardyń turaqty ekonomikalyq damýyn qamtamasyz etý jónindegi usynystar usynyldy.
EAEO-nyń ishki jáne syrtqy saýda saiasaty, onyń ishinde arnaiy qorǵaý, dempingke qarsy jáne ótemaqy sharalaryn qoldaný tetikterin jetildirý, EAEO tariftik preferentsiialarynyń biryńǵai júiesin paidalanýshy elderdiń tizbegin ózektendirý máseleleri talqylandy.
2021-2022 jyldarǵa arnalǵan is-sharalar josparymen EAEO elderiniń teńiz ótkizý pýnktterinde elektrondyq qujat ainalymyn damytý tujyrymdamasy, EAEO-ǵa múshe memleketterdiń mal sharýashylyǵyndaǵy selektsiialyq-asyl tuqymdyq jumysty úilestirý jáne saraptamalyq qamtamasyz etý tártibi bekitildi.
Otyrys qorytyndysy boiynsha ótken baspasóz konferentsiiasynda QR Premer-Ministri Eýraziialyq ekonomikalyq komissiia Qazaqstannyń bastamalaryn iske asyrý jónindegi is-sharalar josparyn bekitkenin, onda 15 negizgi mindet jáne 84 is-shara aiqyndalǵanyn habarlady. Biyl 57 sharany iske asyrý josparlanǵan (2022-2025 jj. — 27 is-shara).
