Búgin Úkimet úiinde Qazaqstan Respýblikasynyń Premer-Ministri Asqar Mamin Dúniejúzilik keden uiymynyń (DKU) bas hatshysy Kýniia Mikýriiamen kezdesý ótkizdi, dep habarlaidy "Ult aqparat".
Kezdesý barysynda yntymaqtastyqqa qatysty birqatar máseleler, sonyń ishinde «Merkator» baǵdarlamasy aiasyndaǵy jáne QR-da zańnamalyq reformalardy ótkizý, saýda-sattyq rásimderin jeńildetý boiynsha Dúniejúzilik saýda uiymy kelisiminiń erejelerin Qazaqstanda iske asyrý, sondai-aq, Qytaimen shekarada sońǵy tehnologiialyq innovatsiialarmen jaraqtandyrylǵan «Nur joly» jańa ótkizý pýnktiniń tehnikalyq múmkindikteri aiasyndaǵy máseleler talqylandy.
Kýniia Mikýriia tranzit salasyndaǵy yntymaqtastyqqa qyzyǵýshylyq tanytty. Tranzit rásimderin tiimdi qoldanýdy uiymdastyrý jáne DKU-nyń QR Qarjy ministrliginiń Memlekettik kirister komitetiniń arnaiy ekonomikalyq aimaqtar jónindegi forýmynyń jumysyna qatysýy týraly máseleler qaraldy.
Asqar Mamin Qazaqstan Úkimeti kedendik ákimshilendirý salasyndaǵy tabysty álemdik tájiribeni engizý jumystaryn jalǵastyratynyn atap ótti.
Qazaqstan 1992 jylǵy 30 maýsymda DKU qosylǵan ýaqyttan bastap Uiymnyń negizgi organdarynyń jumysyna belsene qatysady. Atap aitsaq, Qarjy komitetiniń, Saiasi komissiianyń (Uiymnyń joǵary organdarynyń biri) jáne DKU Kedendik yntymaqtastyq keńesiniń jumysy men sessiialaryna qatysady.
Búginde Qazaqstan ókilettik merzimi 2019 jylǵy 1 shildege deiin DKU-nyń Saiasi komissiiasynyń múshesi. 2019 jylǵy maýsymda Qazaqstannyń DKU Qarjy komitetiniń quramyna qosylýy týraly másele qarastyrylyp jatyr.
«Merkator» dep atalatyn DKU múshe elderine tehnikalyq qoldaý kórsetýdiń jańa operatsiialyq modelin DKU-nyń institýtsionaldyq damý jónindegi komiteti 2017 jylǵy naýryzda maquldady. Baǵdarlama múshe elderge balamaly nusqa usynady, onyń kómegimen olar DKU-men uzaqmerzimdi keleshekte jáne Merkator baǵdarlamasynyń «Turaqty qadaǵalaý tetigi» aiasynda kóp jyldyq negizde ózara is-qimyl ornata alady.
Qazaqstanda birqatar zańnamalyq reformalar júrgizildi. 2018 jylǵy qańtarda EAEO men Qazaqstannyń Keden kodeksiniń jańa erejeleri kúshine endi. 2018 jylǵy qańtardan bastap EAEO jańa Keden kodeksimen birge taýarlardy elektrondy maǵlumdaý engizildi. Qazirgi kezeńde BUU IýNKTAD-pen Eksporttyq-importtyq operatsiialar boiynsha biryńǵai terezeni iske asyryp, engizý jumystary júrgizilip jatyr, ony naýryz aiynda paidalanýǵa berý kózdelgen. Sonymen qatar, qazaqstandyq shekara mańyndaǵy ótkizý pýnkterin birtindep jańǵyrtý jumystary júrgizilip jatyr.
