بٷگٸن ٷكٸمەت ٷيٸندە قازاقستان رەسپۋبليكاسىنىڭ پرەمەر-مينيسترٸ اسقار مامين دٷنيەجٷزٸلٸك كەدەن ۇيىمىنىڭ (دكۇ) باس حاتشىسى كۋنييا ميكۋرييامەن كەزدەسۋ ٶتكٸزدٸ, دەپ حابارلايدى "ۇلت اقپارات".
كەزدەسۋ بارىسىندا ىنتىماقتاستىققا قاتىستى بٸرقاتار مەسەلەلەر, سونىڭ ٸشٸندە «مەركاتور» باعدارلاماسى اياسىنداعى جەنە قر-دا زاڭنامالىق رەفورمالاردى ٶتكٸزۋ, ساۋدا-ساتتىق رەسٸمدەرٸن جەڭٸلدەتۋ بويىنشا دٷنيەجٷزٸلٸك ساۋدا ۇيىمى كەلٸسٸمٸنٸڭ ەرەجەلەرٸن قازاقستاندا ٸسكە اسىرۋ, سونداي-اق, قىتايمەن شەكارادا سوڭعى تەحنولوگييالىق يننوۆاتسييالارمەن جاراقتاندىرىلعان «نۇر جولى» جاڭا ٶتكٸزۋ پۋنكتٸنٸڭ تەحنيكالىق مٷمكٸندٸكتەرٸ اياسىنداعى مەسەلەلەر تالقىلاندى.
كۋنييا ميكۋرييا ترانزيت سالاسىنداعى ىنتىماقتاستىققا قىزىعۋشىلىق تانىتتى. ترانزيت رەسٸمدەرٸن تيٸمدٸ قولدانۋدى ۇيىمداستىرۋ جەنە دكۇ-نىڭ قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنٸڭ ارنايى ەكونوميكالىق ايماقتار جٶنٸندەگٸ فورۋمىنىڭ جۇمىسىنا قاتىسۋى تۋرالى مەسەلەلەر قارالدى.
اسقار مامين قازاقستان ٷكٸمەتٸ كەدەندٸك ەكٸمشٸلەندٸرۋ سالاسىنداعى تابىستى ەلەمدٸك تەجٸريبەنٸ ەنگٸزۋ جۇمىستارىن جالعاستىراتىنىن اتاپ ٶتتٸ.
قازاقستان 1992 جىلعى 30 ماۋسىمدا دكۇ قوسىلعان ۋاقىتتان باستاپ ۇيىمنىڭ نەگٸزگٸ ورگاندارىنىڭ جۇمىسىنا بەلسەنە قاتىسادى. اتاپ ايتساق, قارجى كوميتەتٸنٸڭ, ساياسي كوميسسييانىڭ (ۇيىمنىڭ جوعارى ورگاندارىنىڭ بٸرٸ) جەنە دكۇ كەدەندٸك ىنتىماقتاستىق كەڭەسٸنٸڭ جۇمىسى مەن سەسسييالارىنا قاتىسادى.
بٷگٸندە قازاقستان ٶكٸلەتتٸك مەرزٸمٸ 2019 جىلعى 1 شٸلدەگە دەيٸن دكۇ-نىڭ ساياسي كوميسسيياسىنىڭ مٷشەسٸ. 2019 جىلعى ماۋسىمدا قازاقستاننىڭ دكۇ قارجى كوميتەتٸنٸڭ قۇرامىنا قوسىلۋى تۋرالى مەسەلە قاراستىرىلىپ جاتىر.
«مەركاتور» دەپ اتالاتىن دكۇ مٷشە ەلدەرٸنە تەحنيكالىق قولداۋ كٶرسەتۋدٸڭ جاڭا وپەراتسييالىق مودەلٸن دكۇ-نىڭ ينستيتۋتسيونالدىق دامۋ جٶنٸندەگٸ كوميتەتٸ 2017 جىلعى ناۋرىزدا ماقۇلدادى. باعدارلاما مٷشە ەلدەرگە بالامالى نۇسقا ۇسىنادى, ونىڭ كٶمەگٸمەن ولار دكۇ-مەن ۇزاقمەرزٸمدٸ كەلەشەكتە جەنە مەركاتور باعدارلاماسىنىڭ «تۇراقتى قاداعالاۋ تەتٸگٸ» اياسىندا كٶپ جىلدىق نەگٸزدە ٶزارا ٸس-قيمىل ورناتا الادى.
قازاقستاندا بٸرقاتار زاڭنامالىق رەفورمالار جٷرگٸزٸلدٸ. 2018 جىلعى قاڭتاردا ەاەو مەن قازاقستاننىڭ كەدەن كودەكسٸنٸڭ جاڭا ەرەجەلەرٸ كٷشٸنە ەندٸ. 2018 جىلعى قاڭتاردان باستاپ ەاەو جاڭا كەدەن كودەكسٸمەن بٸرگە تاۋارلاردى ەلەكتروندى ماعلۇمداۋ ەنگٸزٸلدٸ. قازٸرگٸ كەزەڭدە بۇۇ يۋنكتاد-پەن ەكسپورتتىق-يمپورتتىق وپەراتسييالار بويىنشا بٸرىڭعاي تەرەزەنٸ ٸسكە اسىرىپ, ەنگٸزۋ جۇمىستارى جٷرگٸزٸلٸپ جاتىر, ونى ناۋرىز ايىندا پايدالانۋعا بەرۋ كٶزدەلگەن. سونىمەن قاتار, قازاقستاندىق شەكارا ماڭىنداعى ٶتكٸزۋ پۋنكتەرٸن بٸرتٸندەپ جاڭعىرتۋ جۇمىستارى جٷرگٸزٸلٸپ جاتىر.
