«E-Salyq Azamat» jáne «E-Salyq Business» mobildi qosymshalaryn belsendi damytý qajet. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Memleket basshysy Úkimettiń keńeitilgen otyrysynda tsifrlyq tásilderge súienip, salyqtyq ákimshilendirýdi túbegeili jeńildetý men jumsartý boiynsha usynystar daiyndaýdy tapsyrdy. Qarjy ministrligine Tsifrlyq damý ministrligimen birlesip, blokchein jáne úlken derekter siiaqty zamanaýi ádisterdi paidalanyp, salyqtyq ákimshilendirýdiń aqparattyq júielerin jańǵyrtý jáne olardy basqa memlekettik organdarmen integratsiialaý boiynsha pármendi sharalar qabyldaýdy tapsyramyn», - dedi Asqar Mamin.
Sonymen qatar ol salyq tóleýshiler men bizneske yńǵaily bolýy úshin ázirlengen tegin «E-Salyq Azamat» jáne «E-Salyq Business» mobildi qosymshalaryn belsendi damytý qajettigin basa aitty.
«Sondyqtan Memleket basshysynyń tapsyrmasy aiasynda Qarjy ministrligi jeke kásipkerler onlain-KKM men POS-terminaldardy paidalanǵan kezde olardyń eseptiligin avtomatty toltyrý máselesin sapaly pysyqtaýy qajet», - dedi Úkimet basshysy.
