Qazaqstan Respýblikasynyń Premer-Ministri Asqar Mamin «100 mektep, 100 aýrýhana» memlekettik baǵdarlamasy aiasynda salynǵan, Nur-Sultan qalasyndaǵy №10 qalalyq emhana mysalynda meditsinalyq qyzmetterdiń sapasy men qoljetimdiligin arttyrý jónindegi jumystyń barysyn tekserdi, dep habarlaidy "Ult aqparat".
QR Úkimetiniń basshysy úlkender, balalar jáne ońaltý bólimin, ambýlatorlyq hirýrgiia, qalpyna keltirip emdeý jáne meditsinalyq ońaltý ortalyqtaryn tekserdi, onda pilottyq rejimde densaýlyq saqtaý salasyndaǵy sońǵy tsifrlyq sheshimder engizilgen. Bul patsientterdiń aǵymyn retteý jáne shuǵyl meditsinalyq kómekti birinshi kezekte kórsetý, dári-dármekpen qamtamasyz etýdiń kiriktirilgen aqparattyq júiesi, qaǵazsyz meditsinalyq qujattar, onyń ishinde elektrondy densaýlyq pasporttary boiynsha Triage-júiesi. Turǵyndarmen keri bailanys ornatý úshin dárigerlerdiń jumys sapasyn baǵalaityn mobildi qosymsha iske qosylǵan. Emhananyń bas dárigeri G. Alpysbekova aitqandai, tsifrlandyrýdy engizý nátijesinde kezekke turý 60%-ǵa azaidy.
Emhanany kórip bitken soń QR Premer-Ministri A. Maminge alǵashqy meditsinalyq-sanitarlyq kómek kórsetetin meditsinalyq uiymdar jelisin qurý jobasy tanystyryldy. Jalpy, shetkeri aimaqtardaǵy turǵyndar úshin meditsinalyq kómektiń jyldam qoljetimdiligin qamtamasyz etý maqsatynda biyl Nur-Sultan qalasynda 11 qosymsha meditsinalyq uiym ashý kózdelgen.
Óz kezeginde, QR densaýlyq saqtaý ministri E. Birtanov Elbasynyń «Áleýmettik qamqorlyq» áleýmettik sharalaryn iske asyrý aiasynda biylǵy 1 maýsymnan bastap ýchaskelik dárigerlerdiń jalaqysy 224 myń teńgege deiin, ortasha meditsinalyq personaldyń jalaqysy 163 myń teńgege deiin ulǵaiatynyn jetkizdi.
.jpeg)