Almatyda jyldyq pirotehnikalyq buiymdardy paidalanýdyń qaýipsizdigi týraly arnaiy brifing ótti, dep habarlaidy QazAqparat.
Jiyn barysynda TJD Tótenshe jaǵdailardan bolatyn táýekelderdi azaitý men azamattyq qorǵanys salasyn baqylaý basqarmasynyń basshysy Aidos Núsipbaev pirotehnikalyq buiymdardy durys qoldaný erejelerimen tanystyrdy.
«14 jasqa deiingi balalardy petarda-raketa atýǵa jaqyndatpaý kerek. 50 metrge deiingi qashyqtyqta kedergi bolatyn zattar joǵyna kóz jetkizý kerek. Qorapqa úńilýge, fitildi qol sozym jerden jaǵýǵa tyiym salynady. Ot jaqqan soń qaýipsiz qashyqtyqqa shyǵý kerek. Jel qatty soǵyp turǵan kezde saliýt atýǵa, saliýt jarylmǵan jaǵdaida qasyna baryp qaita tutatýǵa bolmaidy. Sebebi, birneshe ýaqyt kútý kerek. Kóbinese adamdar osyndai qaýipsizdik erejelerin saqtamaý saldarynan jaraqat alyp qalady», - dedi Aidos Núsipbaev.
Kóptegen adamdardyń pirotehnikany qolyna ustap turyp atý jaǵdailary jii kezdesedi.
«Tek Bengal shamshyraǵyn ǵana qolmen ustap atýǵa bolady. Kalibri 1 sm-den joǵary buiymdardy qolǵa ustaýǵa bolmaidy. Olardy jerge armatýra qadap nemese arnaiy qorshaýǵa bailap atqan durys. Kóp adamdar tek qarǵa qadai salady. Birinshi ret durys atylǵanymen, saliýt qisaiyp ketse, traektoriiasy buzylyp, kólikterge, adamdarǵa tiiýi múmkin», - dedi «Qazsaliýt» JShS bas menedjeri Nurlan Qazbekov.
