الماتىدا جىلدىق پيروتەحنيكالىق بۇيىمداردى پايدالانۋدىڭ قاۋٸپسٸزدٸگٸ تۋرالى ارنايى بريفينگ ٶتتٸ, دەپ حابارلايدى قازاقپارات.
جيىن بارىسىندا تجد تٶتەنشە جاعدايلاردان بولاتىن تەۋەكەلدەردٸ ازايتۋ مەن ازاماتتىق قورعانىس سالاسىن باقىلاۋ باسقارماسىنىڭ باسشىسى ايدوس نٷسٸپباەۆ پيروتەحنيكالىق بۇيىمداردى دۇرىس قولدانۋ ەرەجەلەرٸمەن تانىستىردى.
«14 جاسقا دەيٸنگٸ بالالاردى پەتاردا-راكەتا اتۋعا جاقىنداتپاۋ كەرەك. 50 مەترگە دەيٸنگٸ قاشىقتىقتا كەدەرگٸ بولاتىن زاتتار جوعىنا كٶز جەتكٸزۋ كەرەك. قوراپقا ٷڭٸلۋگە, فيتيلدٸ قول سوزىم جەردەن جاعۋعا تىيىم سالىنادى. وت جاققان سوڭ قاۋٸپسٸز قاشىقتىققا شىعۋ كەرەك. جەل قاتتى سوعىپ تۇرعان كەزدە ساليۋت اتۋعا, ساليۋت جارىلمعان جاعدايدا قاسىنا بارىپ قايتا تۇتاتۋعا بولمايدى. سەبەبٸ, بٸرنەشە ۋاقىت كٷتۋ كەرەك. كٶبٸنەسە ادامدار وسىنداي قاۋٸپسٸزدٸك ەرەجەلەرٸن ساقتاماۋ سالدارىنان جاراقات الىپ قالادى», - دەدٸ ايدوس نٷسٸپباەۆ.
كٶپتەگەن ادامداردىڭ پيروتەحنيكانى قولىنا ۇستاپ تۇرىپ اتۋ جاعدايلارى جيٸ كەزدەسەدٸ.
«تەك بەنگال شامشىراعىن عانا قولمەن ۇستاپ اتۋعا بولادى. كاليبرٸ 1 سم-دەن جوعارى بۇيىمداردى قولعا ۇستاۋعا بولمايدى. ولاردى جەرگە ارماتۋرا قاداپ نەمەسە ارنايى قورشاۋعا بايلاپ اتقان دۇرىس. كٶپ ادامدار تەك قارعا قاداي سالادى. بٸرٸنشٸ رەت دۇرىس اتىلعانىمەن, ساليۋت قيسايىپ كەتسە, تراەكتوريياسى بۇزىلىپ, كٶلٸكتەرگە, ادامدارعا تييۋٸ مٷمكٸن», - دەدٸ «قازساليۋت» جشس باس مەنەدجەرٸ نۇرلان قازبەكوۆ.
