Almatydaǵy jappai tártipsizdik kezinde qaza tapqan politsei Rinat Qambetovtyń anasy ulynyń sońǵy sózderin eske aldy, - dep habarlaidy "Ult aqparat" polisia.kz saityna silteme jasap.
"Eń sońyna sheiin telefonmen sóilesip otyrdym ǵoi… "Mama, sen bizdi osylai tárbielediń ǵoi" degen sózderi kóz aldymda turady. Ulym sońǵy demi taýsylǵansha antyna berik boldy", - dedi kózine jas alǵan Bekzada Álimbaeva.
Rinat Qambetov 1988 jyldyń 2 tamyzynda dúniege kelgen. Ishki ister organdarynda 2010 jyldan bastap qyzmet atqarǵan. 5 qańtar kúni qaskóiler Almaly aýdandyq politsiia bólimin basyp almaq bolyp, shabýyl jasaǵan. Rinat áriptesi Alen Asylhanovpen politsiia ǵimaratynda saqtalǵan qarý-jaraqty qorǵaý kezinde qaza tapty.
"Mektep bitirgennen keiin politsiiaǵa ornalasyp, jumys isteý armany boldy. On jyldan artyq Almaty qalasynyń politsiiasynda jumys jasady. Balamyz jaman bolǵan joq. Elge syily boldy. Jaqsy qyzmetker, ata-anaǵa qamqorshy jaqsy ul boldy. Týystarymyz da ony jaqsy kórýshi edi. Qyzmet barysynda qaitty endi… Bir Allanyń isi ǵoi", - dedi politseidiń ákesi Talǵat Qambetov.
