الماتىداعى جاپپاي تەرتٸپسٸزدٸك كەزٸندە قازا تاپقان پوليتسەي رينات قامبەتوۆتىڭ اناسى ۇلىنىڭ سوڭعى سٶزدەرٸن ەسكە الدى, - دەپ حابارلايدى "ۇلت اقپارات" polisia.kz سايتىنا سٸلتەمە جاساپ.
"ەڭ سوڭىنا شەيٸن تەلەفونمەن سٶيلەسٸپ وتىردىم عوي… "ماما, سەن بٸزدٸ وسىلاي تەربيەلەدٸڭ عوي" دەگەن سٶزدەرٸ كٶز الدىمدا تۇرادى. ۇلىم سوڭعى دەمٸ تاۋسىلعانشا انتىنا بەرٸك بولدى", - دەدٸ كٶزٸنە جاس العان بەكزادا ەلٸمباەۆا.
رينات قامبەتوۆ 1988 جىلدىڭ 2 تامىزىندا دٷنيەگە كەلگەن. ٸشكٸ ٸستەر ورگاندارىندا 2010 جىلدان باستاپ قىزمەت اتقارعان. 5 قاڭتار كٷنٸ قاسكٶيلەر المالى اۋداندىق پوليتسييا بٶلٸمٸن باسىپ الماق بولىپ, شابۋىل جاساعان. رينات ەرٸپتەسٸ الەن اسىلحانوۆپەن پوليتسييا عيماراتىندا ساقتالعان قارۋ-جاراقتى قورعاۋ كەزٸندە قازا تاپتى.
"مەكتەپ بٸتٸرگەننەن كەيٸن پوليتسيياعا ورنالاسىپ, جۇمىس ٸستەۋ ارمانى بولدى. ون جىلدان ارتىق الماتى قالاسىنىڭ پوليتسيياسىندا جۇمىس جاسادى. بالامىز جامان بولعان جوق. ەلگە سىيلى بولدى. جاقسى قىزمەتكەر, اتا-اناعا قامقورشى جاقسى ۇل بولدى. تۋىستارىمىز دا ونى جاقسى كٶرۋشٸ ەدٸ. قىزمەت بارىسىندا قايتتى ەندٸ… بٸر اللانىڭ ٸسٸ عوي", - دەدٸ پوليتسەيدٸڭ ەكەسٸ تالعات قامبەتوۆ.
