Prezident Ákimshiligi Basshysynyń orynbasary Málik Myrzalin Habar-24 arnasyna bergen suhbatynda qandai adamdardyń ákim sailaýyna memlekettik qyzmettegi ótilinsiz túse alatynyn aitty, dep habarlaidy QazAqparat.
«Tek memlekettik qyzmetshiler ǵana emes, mektep direktorlary, onyń orynbasarlary, tipti muǵalimder men feldsherler óz salasynda 6 jyldan artyq istese, sailaýǵa túse alady. Fermerlik sharýashylyq basshylary týraly da osyny aitýǵa bolady. Ókinishke qarai, sarapshylar qaýymdastyǵy osy máseleni sál durys túsinbei jatyr. Biliktilik talabynyń 9 nusqasy bar. Kandidat sol toǵyz nusqanyń birine sáikes kelýi kerek. Iá, memlekettik qyzmet týraly talap bar. Biraq taǵy bir talap boiynsha, memlekettik qyzmette eńbek ótili bolmasa da, ákim bola alatyny jazylǵan. Ǵylymi dárejesi bar adamdar memlekettik qyzmette ótili bolmasa da, ákim bola alady. Prezidenttik jastar kadr rezervinde turǵan balalarǵa da múmkindik qarastyrdyq», - deidi Prezident Ákimshiligi Basshysynyń orynbasary.
