پرەزيدەنت ەكٸمشٸلٸگٸ باسشىسىنىڭ ورىنباسارى مەلٸك مىرزالين حابار-24 ارناسىنا بەرگەن سۇحباتىندا قانداي ادامداردىڭ ەكٸم سايلاۋىنا مەملەكەتتٸك قىزمەتتەگٸ ٶتٸلٸنسٸز تٷسە الاتىنىن ايتتى, دەپ حابارلايدى قازاقپارات.
«تەك مەملەكەتتٸك قىزمەتشٸلەر عانا ەمەس, مەكتەپ ديرەكتورلارى, ونىڭ ورىنباسارلارى, تٸپتٸ مۇعالٸمدەر مەن فەلدشەرلەر ٶز سالاسىندا 6 جىلدان ارتىق ٸستەسە, سايلاۋعا تٷسە الادى. فەرمەرلٸك شارۋاشىلىق باسشىلارى تۋرالى دا وسىنى ايتۋعا بولادى. ٶكٸنٸشكە قاراي, ساراپشىلار قاۋىمداستىعى وسى مەسەلەنٸ سەل دۇرىس تٷسٸنبەي جاتىر. بٸلٸكتٸلٸك تالابىنىڭ 9 نۇسقاسى بار. كانديدات سول توعىز نۇسقانىڭ بٸرٸنە سەيكەس كەلۋٸ كەرەك. يە, مەملەكەتتٸك قىزمەت تۋرالى تالاپ بار. بٸراق تاعى بٸر تالاپ بويىنشا, مەملەكەتتٸك قىزمەتتە ەڭبەك ٶتٸلٸ بولماسا دا, ەكٸم بولا الاتىنى جازىلعان. عىلىمي دەرەجەسٸ بار ادامدار مەملەكەتتٸك قىزمەتتە ٶتٸلٸ بولماسا دا, ەكٸم بولا الادى. پرەزيدەنتتٸك جاستار كادر رەزەرۆٸندە تۇرعان بالالارعا دا مٷمكٸندٸك قاراستىردىق», - دەيدٸ پرەزيدەنت ەكٸمشٸلٸگٸ باسشىسىنىڭ ورىنباسارى.
