Búgin Malaiziianyń Kýala-Lýmpýr qalasyndaǵy Ulttyq kitaphanada Abai atyndaǵy Qazaq ádebieti men mádenieti ortalyǵy ashyldy, dep habarlaidy "Ult aqparat".
QR Syrtqy ister ministrliginen málim etkendei, Abai ortalyǵyn ashýdaǵy maqsat – sheteldik aýditoriiany Qazaqstannyń bai ádebi, tarihi jáne mádeni murasymen tanystyrý.
Is-shara aiasynda sondai-aq, Malaiziiadaǵy Qazaqstan Respýblikasy Elshiliginiń kúshimen alǵash ret malai tiline aýdarylǵan Abaidyń «Qara sózder» kitabiniń tusaýy kesildi.
Ortalyqqa qazaq ádebietiniń ózge de kitaptary men shyǵarmalary jáne ulttyq mýzykalyq aspap – dombyra syiǵa tartyldy.
Abai atyndaǵy Qazaq ádebieti men mádenieti ortalyǵynyń ashylý rásiminde Malaiziia Ulttyq kitaphanasynyń bas direktory M.Ismail jáne QR Elshisi B.Imanbaev ortalyqtyń biregeiligin jáne onyń ekijaqty yntymaqtastyqty nyǵaitý, halyqtardy jaqyndatý jáne Qazaqstan men Malaiziia arasyndaǵy mádeni almasý baǵytyndaǵy mańyzdylyǵyn atap ótti.
Ortalyqtyń ashylý rásimi aiasynda, taraptar eldegi shekteý sharalary aiaqtalǵannan keiin, Abai ortalyǵy bazasynda turaqty túrde túrli birlesken kórmeler men mádeni is-sharalar ótkizýge qol jetkizdi.
