180 mln gektar jaiylymymyz bola tura mal sharýashylyǵy aýyl mańynan alystar emes. Bul týraly «Aýyl» halyqtyq-demokratiialyq patriottyq partiiasynyń tóraǵasy Áli Bektaev aitty, dep habarlaidy QazAqparat.
«Aýyl – el yrzyǵynyń iesi! Muny esten shyǵarmaǵanymyz abzal. Agroónerkásip kesheni men aýyl máselesin bólip qaraýǵa bolmaidy! Memleket tarapynan qarjy nashar bólinip jatqan joq. Jyl saiyn «Aýyl sharýashylyǵyn damytý» týraly memlekettik baǵdarlamasy boiynsha 350-400 mlrd teńge kóleminde qarjy bólinedi. Ókinishke orai sol qarjylardyń tiimdiligi tómen. Negizinen iri sharýashylyqtarǵa tiesili. Ónimniń negizgi bóligin, 60-65 paiyzyn óndiretin maida jáne usaq sharýashylyqtar sol qarjynyń 5 paiyz bóligin ǵana paidalanady. Sharýalardy qoldaý baǵdarlamalary jańa ministr kelgen saiyn aýysady. Agrosaiasatta turaqtylyq bolmai tur « , - dedi ol partiianyń kezekten tys XVIII sezinde.
Onyń atap ótýinshe, sheberlik josparlar, agrokartalar, azyq-túlik beldeýin qurý, et eksporty siiaqty baǵdarlamalarǵa qyrýar qarjy kózi bólinse de, bastama alǵan jaqsy ideialar aiaǵyna deiin oryndalmaidy.
«Bizdiń elimizde aýyl sharýashylyǵynda óndiriletin ónimderdiń 40 paiyz ǵana qaita óńdeýden ótedi. Ókinishke orai qalǵanynyń barlyǵy shikizat túrinde shetelge satylýda. Astyq óndirisinde osyǵan deiin ómir súrip kelgen un óndirý kásiporyndarynyń kópshiligi jabyldy. Un eksporty boiynsha kóshbasyshylyqty basqa memleketterge qoldan berdik. Jún men teri óńdelmei, qoimalarda shirip, dalada órtenip jatsa da memleket tarapynan bul baǵytta qozǵalys baiqalmady.
Ata kásipti qolǵa alý kerek dep aitsaq ta agroónerkásiptiń dástúrli baǵyttaryn, sonyń ishinde (qoi jáne jylqy sharýashylyǵyn qajetti deńgeide igere almai kelemiz. 180 mln gektar jaiylymymyz bola tura mal sharýashylyǵy aýyl mańynan alystar emes», - dedi Áli Bektaev.
