180 ملن گەكتار جايىلىمىمىز بولا تۇرا مال شارۋاشىلىعى اۋىل ماڭىنان الىستار ەمەس. بۇل تۋرالى «اۋىل» حالىقتىق-دەموكراتييالىق پاتريوتتىق پارتيياسىنىڭ تٶراعاسى ەلي بەكتاەۆ ايتتى, دەپ حابارلايدى قازاقپارات.
«اۋىل – ەل ىرزىعىنىڭ يەسٸ! مۇنى ەستەن شىعارماعانىمىز ابزال. اگروٶنەركەسٸپ كەشەنٸ مەن اۋىل مەسەلەسٸن بٶلٸپ قاراۋعا بولمايدى! مەملەكەت تاراپىنان قارجى ناشار بٶلٸنٸپ جاتقان جوق. جىل سايىن «اۋىل شارۋاشىلىعىن دامىتۋ» تۋرالى مەملەكەتتٸك باعدارلاماسى بويىنشا 350-400 ملرد تەڭگە كٶلەمٸندە قارجى بٶلٸنەدٸ. ٶكٸنٸشكە وراي سول قارجىلاردىڭ تيٸمدٸلٸگٸ تٶمەن. نەگٸزٸنەن ٸرٸ شارۋاشىلىقتارعا تيەسٸلٸ. ٶنٸمنٸڭ نەگٸزگٸ بٶلٸگٸن, 60-65 پايىزىن ٶندٸرەتٸن مايدا جەنە ۇساق شارۋاشىلىقتار سول قارجىنىڭ 5 پايىز بٶلٸگٸن عانا پايدالانادى. شارۋالاردى قولداۋ باعدارلامالارى جاڭا مينيستر كەلگەن سايىن اۋىسادى. اگروساياساتتا تۇراقتىلىق بولماي تۇر « , - دەدٸ ول پارتييانىڭ كەزەكتەن تىس XVIII سەزٸندە.
ونىڭ اتاپ ٶتۋٸنشە, شەبەرلٸك جوسپارلار, اگروكارتالار, ازىق-تٷلٸك بەلدەۋٸن قۇرۋ, ەت ەكسپورتى سيياقتى باعدارلامالارعا قىرۋار قارجى كٶزٸ بٶلٸنسە دە, باستاما العان جاقسى يدەيالار اياعىنا دەيٸن ورىندالمايدى.
«بٸزدٸڭ ەلٸمٸزدە اۋىل شارۋاشىلىعىندا ٶندٸرٸلەتٸن ٶنٸمدەردٸڭ 40 پايىز عانا قايتا ٶڭدەۋدەن ٶتەدٸ. ٶكٸنٸشكە وراي قالعانىنىڭ بارلىعى شيكٸزات تٷرٸندە شەتەلگە ساتىلۋدا. استىق ٶندٸرٸسٸندە وسىعان دەيٸن ٶمٸر سٷرٸپ كەلگەن ۇن ٶندٸرۋ كەسٸپورىندارىنىڭ كٶپشٸلٸگٸ جابىلدى. ۇن ەكسپورتى بويىنشا كٶشباسىشىلىقتى باسقا مەملەكەتتەرگە قولدان بەردٸك. جٷن مەن تەرٸ ٶڭدەلمەي, قويمالاردا شٸرٸپ, دالادا ٶرتەنٸپ جاتسا دا مەملەكەت تاراپىنان بۇل باعىتتا قوزعالىس بايقالمادى.
اتا كەسٸپتٸ قولعا الۋ كەرەك دەپ ايتساق تا اگروٶنەركەسٸپتٸڭ دەستٷرلٸ باعىتتارىن, سونىڭ ٸشٸندە (قوي جەنە جىلقى شارۋاشىلىعىن قاجەتتٸ دەڭگەيدە يگەرە الماي كەلەمٸز. 180 ملن گەكتار جايىلىمىمىز بولا تۇرا مال شارۋاشىلىعى اۋىل ماڭىنان الىستار ەمەس», - دەدٸ ەلي بەكتاەۆ.
