Aidarbek Qojanazarov áleýmettik jelidegi jazbasynda buǵan deiin aitqan «Abaidy Abai qylǵan – Qunanbaidyń maly» degen sózine qatysty pikir bildirdi, dep habarlaidy ult.kz.
Onyń aitýynsha, bul sóz úlken pikirtalasqa ainalyp, kei adamdar negizgi oiǵa emes, «mal» sózine nazar aýdarǵan.
Qojanazarov óz oiyn Abaidyń qara sózindegi pikirmen túsindirdi. Abai qazaqty túzeýge niet etken adamǵa eki nárse qajet ekenin aityp, sonyń biri — «esepsiz bai bolarǵa kerek» degen.
«Mal – maqsat emes, múmkindik. Dáýlet – aqyl emes, biraq aqyldyń bilimmen shyńdalýyna jol ashatyn qural», – dep jazdy Aidarbek Qojanazarov.
Ol Qunanbaidyń dáýleti Abaiǵa talant bermegenin, alaida onyń talantyn damytýǵa qajetti bilimge, ortaǵa jáne múmkindikke jol ashqanyn atap ótti.
Sondai-aq Qojanazarov qazaq tarihynda aýqatty azamattardyń mektep ashyp, baspasózdi, aǵartýshylyqty jáne eldik bastamalardy qarjylandyrǵanyn eske saldy.
«Mal talant týdyrmaidy – talantqa múmkindik beredi. Aqsha aqyl bermeidi – bilimge jol ashady. Bailyq adamdy uly etpeidi – biraq durys jumsalsa, uly muratqa qyzmet etedi», – dedi ol.
Qojanazarovtyń pikirinshe, «Qunanbaidan da bailar boldy, nege bárinen Abai shyqpady?» degen ýáj máseleniń mánin tolyq ashpaidy.
Ol jazbasynyń sońynda óz sózin emes, Abaidyń aitqanyn negizge alý kerektigin atap ótti.
Aita keteiik, “Abaidy Abai qylǵan - Qunanbaidyń maly” degen Aidarbek Qojanazarovtyń aitqan sózderi elge jaqpai qalǵan.
