ايداربەك قوجانازاروۆ ەلەۋمەتتٸك جەلٸدەگٸ جازباسىندا بۇعان دەيٸن ايتقان «ابايدى اباي قىلعان – قۇنانبايدىڭ مالى» دەگەن سٶزٸنە قاتىستى پٸكٸر بٸلدٸردٸ, دەپ حابارلايدى ult.kz.
ونىڭ ايتۋىنشا, بۇل سٶز ٷلكەن پٸكٸرتالاسقا اينالىپ, كەي ادامدار نەگٸزگٸ ويعا ەمەس, «مال» سٶزٸنە نازار اۋدارعان.
قوجانازاروۆ ٶز ويىن ابايدىڭ قارا سٶزٸندەگٸ پٸكٸرمەن تٷسٸندٸردٸ. اباي قازاقتى تٷزەۋگە نيەت ەتكەن ادامعا ەكٸ نەرسە قاجەت ەكەنٸن ايتىپ, سونىڭ بٸرٸ — «ەسەپسٸز باي بولارعا كەرەك» دەگەن.
«مال – ماقسات ەمەس, مٷمكٸندٸك. دەۋلەت – اقىل ەمەس, بٸراق اقىلدىڭ بٸلٸممەن شىڭدالۋىنا جول اشاتىن قۇرال», – دەپ جازدى ايداربەك قوجانازاروۆ.
ول قۇنانبايدىڭ دەۋلەتٸ ابايعا تالانت بەرمەگەنٸن, الايدا ونىڭ تالانتىن دامىتۋعا قاجەتتٸ بٸلٸمگە, ورتاعا جەنە مٷمكٸندٸككە جول اشقانىن اتاپ ٶتتٸ.
سونداي-اق قوجانازاروۆ قازاق تاريحىندا اۋقاتتى ازاماتتاردىڭ مەكتەپ اشىپ, باسپاسٶزدٸ, اعارتۋشىلىقتى جەنە ەلدٸك باستامالاردى قارجىلاندىرعانىن ەسكە سالدى.
«مال تالانت تۋدىرمايدى – تالانتقا مٷمكٸندٸك بەرەدٸ. اقشا اقىل بەرمەيدٸ – بٸلٸمگە جول اشادى. بايلىق ادامدى ۇلى ەتپەيدٸ – بٸراق دۇرىس جۇمسالسا, ۇلى مۇراتقا قىزمەت ەتەدٸ», – دەدٸ ول.
قوجانازاروۆتىڭ پٸكٸرٸنشە, «قۇنانبايدان دا بايلار بولدى, نەگە بەرٸنەن اباي شىقپادى?» دەگەن ۋەج مەسەلەنٸڭ مەنٸن تولىق اشپايدى.
ول جازباسىنىڭ سوڭىندا ٶز سٶزٸن ەمەس, ابايدىڭ ايتقانىن نەگٸزگە الۋ كەرەكتٸگٸن اتاپ ٶتتٸ.
ايتا كەتەيٸك, “ابايدى اباي قىلعان - قۇنانبايدىڭ مالى” دەگەن ايداربەك قوجانازاروۆتىڭ ايتقان سٶزدەرٸ ەلگە جاقپاي قالعان.
