OQO-nyń Maqtaral aýdany Qazybek bi aýyldyq okrýgindegi «Bereke-maqta» aýylsharýashylyǵy óndiristik kooperativi biyl tolaǵai tabystarǵa keneldi, dep habarlaidy oblys ákiminiń baspasóz qyzmeti.
2016 jyly qurylǵan kooperativtiń 6 832 gektar jeri bar. Onyń ishinde 5 740 gektar maqta, 660 gektar baqsha, 2 gektar kókónis, 40 gektar jańa jońyshqa, 150 gektar eski jońyshqa, 229 gektar dándik júgeri, 11 gektar súrlemdik júgeri egilgen.
Biyldyń ózinde kooperativ 5740 gektarǵa maqta egip, ár gektarynan 24-25 tsentnerden ónim alýda. Maqtanyń alǵashqy qol terim jumystaryn qyzdyryp jatqan kooperativte búginde 100-ge jýyq adam mezgildik jumystarǵa jumyldyrylypty. Terimshilerge maqtanyń ár kelisine 25 teńgeden tólenýde.
«Qol terim jumystaryn júrgizgen ár adam kúndelikti 5-6 myń teńge taýyp otyr. Jumys asa qiyn emes. Maqta terimi kezinde otbasymyzdy baǵyp, tabys tabýǵa múmkindik bergen kooperativ basshylaryna alǵys aitamyn», - deidi Qazybek bi aýylynyń turǵyny Mýktabar Yrzimetova.
Jalpy sany 188 dana tehnikasy bar kooperativ «Ońtústik» aimaqtyq investitsiialyq ortalyǵynan 2016 jyly 25 million teńge, al biyl 100 million teńge nesie alypty. Kooperativ tóraǵasy bul múmkindikterge bir aýyzdan birigýdiń arqasynda qol jetkizip otyrmyz deidi.
«2016 jyly Qazybek bi aýyldyq okrýgindegi 794 sharýa qojalyǵy bir aýyzdan birigip, kooperativ qurdyq. Sóitip, ár sharýaqojalyǵyna tiesili jerlerdi biriktirdik. Birigýdiń arqasynda biyldyń ózinde lizingke sý jańa 12 traktor aldyq. Janar-jaǵarmai men tyńaitqyshtarǵa da jeńildetilgen baǵada qoljetkizip otyrmyz. Aldaǵy ýaqytta egistik kólemin ulǵaityp, tabysymyzdy eselei túsemiz», - deidi kooperativ tóraǵasy Murat Qurbanov.
