Maqtaaral aýdanynyń sý basqan eldi mekenderinen 2 mamyrdan bastap 31606 adam evakýatsiialandy. Bul týraly "Ult aqparat" ákimdikke silteme jasap habarlaidy.
Maqtaaral aýdanynyń sý basqan eldi mekenderinen 2 mamyrdan bastap 31606 adam evakýatsiialanǵan. 4 mamyr kúngi aqparat boiynsha Jańa-Turmys (46 úi), Jeńis (130 úi), Firdoýsi (250 úi), Órgebas (194 úi), Dostyq (11 úi) eldi mekenderinen jalpy sany 631 úi sý astynda qaldy.
2 mamyrdan Atakent eldi mekeninde 24 evakýatsiialyq bólim qurylyp, jumys júrgizýde.
Apattan qutqarý jumystaryna jalpy sany 986 adam, 4 qaiyq, 180 dana tehnika tartylǵan.
Politsiia tarapynan Jańa-Turmys, Firdoýsi, Órgebas, Nurlyjol, Iirjar eldi mekenderinde bir, T. Jailybaev aýylynda eki blok-beket qurylyp, onyń jalpy sany 7-ge jetti.
3115 iri qara mal, 1101 usaq mal, 585 jylqy, 34 túie Keles aýdany, Qyzylásker aýylyna jetkizildi.
Budan bólek, 1797 iri qara mal, 6029 usaq mal, 689 jylqy, 381 túie, 165 shoshqa Maqtaral aýdanyndaǵy sý basý qaýpi joq jerge jetkizildi.
Esterińizge sala keteiik, 1 mamyrda Sardoba sý qoimasy bógetin sý shaiyp ketýine bailanysty Ózbekstannyń Syrdariia oblysyndaǵy eldimekendi sý basty.
Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaiylyp, Jeńis, Jańa turmys aýyldaryn sý alyp ketti.
Sondai-aq, Túrkistan oblysyndaǵy eldi mekenderdi sý basý saldaryn joiý jónindegi Úkimettik komissiia quryldy.
