ماقتاارال اۋدانىنىڭ سۋ باسقان ەلدٸ مەكەندەرٸنەن 2 مامىردان باستاپ 31606 ادام ەۆاكۋاتسييالاندى. بۇل تۋرالى "ۇلت اقپارات" ەكٸمدٸككە سٸلتەمە جاساپ حابارلايدى.
ماقتاارال اۋدانىنىڭ سۋ باسقان ەلدٸ مەكەندەرٸنەن 2 مامىردان باستاپ 31606 ادام ەۆاكۋاتسييالانعان. 4 مامىر كٷنگٸ اقپارات بويىنشا جاڭا-تۇرمىس (46 ٷي), جەڭٸس (130 ٷي), فيردوۋسي (250 ٷي), ٶرگەباس (194 ٷي), دوستىق (11 ٷي) ەلدٸ مەكەندەرٸنەن جالپى سانى 631 ٷي سۋ استىندا قالدى.
2 مامىردان اتاكەنت ەلدٸ مەكەنٸندە 24 ەۆاكۋاتسييالىق بٶلٸم قۇرىلىپ, جۇمىس جٷرگٸزۋدە.
اپاتتان قۇتقارۋ جۇمىستارىنا جالپى سانى 986 ادام, 4 قايىق, 180 دانا تەحنيكا تارتىلعان.
پوليتسييا تاراپىنان جاڭا-تۇرمىس, فيردوۋسي, ٶرگەباس, نۇرلىجول, يٸرجار ەلدٸ مەكەندەرٸندە بٸر, ت. جايلىباەۆ اۋىلىندا ەكٸ بلوك-بەكەت قۇرىلىپ, ونىڭ جالپى سانى 7-گە جەتتٸ.
3115 ٸرٸ قارا مال, 1101 ۇساق مال, 585 جىلقى, 34 تٷيە كەلەس اۋدانى, قىزىلەسكەر اۋىلىنا جەتكٸزٸلدٸ.
بۇدان بٶلەك, 1797 ٸرٸ قارا مال, 6029 ۇساق مال, 689 جىلقى, 381 تٷيە, 165 شوشقا ماقتارال اۋدانىنداعى سۋ باسۋ قاۋپٸ جوق جەرگە جەتكٸزٸلدٸ.
ەستەرٸڭٸزگە سالا كەتەيٸك, 1 مامىردا ساردوبا سۋ قويماسى بٶگەتٸن سۋ شايىپ كەتۋٸنە بايلانىستى ٶزبەكستاننىڭ سىردارييا وبلىسىنداعى ەلدٸمەكەندٸ سۋ باستى.
سونىڭ سالدارىنان ماقتاارال اۋدانىندا شەكارا ماڭىنداعى بٸرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ سىرتقا جايىلىپ, جەڭٸس, جاڭا تۇرمىس اۋىلدارىن سۋ الىپ كەتتٸ.
سونداي-اق, تٷركٸستان وبلىسىنداعى ەلدٸ مەكەندەردٸ سۋ باسۋ سالدارىن جويۋ جٶنٸندەگٸ ٷكٸمەتتٸك كوميسسييا قۇرىلدى.
