Túrkistan oblysynda eki aýyldy sý basýyna bailanysty tehnogendi tótenshe jaǵdai rejimi jariialandy, - dep habarlaidy Tótenshe jaǵdailar komiteti.
Osyǵan bailanysty Tótenshe jaǵdailar komitetinde shuǵyl shtab jumys istep jatyr. Oǵan komitet basshysy Vladimir Bekker tóraǵalyq etedi.
Jaǵdaidy baqylaýda ustaý úshin oqiǵa ornyna Ishki ister ministriniń orynbasary Iýrii Ilin men Ekologiia, geologiia jáne tabiǵi resýrstar vitse-ministri Sergei Gromov jáne Aýyl sharýashylyǵy ministrliginiń ókili attanǵan.
Apattyq qutqarý jumystaryna Túrkistan oblysynan 267 qutqarýshy jáne 26 tehnika tartylǵan. Sondai-aq Shymkentten 300 áskeri jáne 28 tehnika bardy. Uzynaǵash eldimekenindegi Ulttyq ulannan 460 áskeri daiyn tur.
Esterińizge sala keteiik, 1 mamyrda Sardoba sý qoimasy bógetin sý shaiyp ketýine bailanysty Ózbekstannyń Syrdariia oblysyndaǵy eldimekendi sý basty.
Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý tógilip, Jeńis, Jańa turmys aýyldaryn sý alyp ketti. Oblystyq mańyzy bar «Myrzakent - Jeńis - Jańa turmys» avomobil jolyn sý basyp, kólik júre almaýda.
Sondai-aq Túrkistan oblysynda sý tasqyny qaýpi tóngen 3 aýyldyń halqy evakýatsiialanyp jatyr.
