تٷركٸستان وبلىسىندا ەكٸ اۋىلدى سۋ باسۋىنا بايلانىستى تەحنوگەندٸ تٶتەنشە جاعداي رەجيمٸ جارييالاندى, - دەپ حابارلايدى تٶتەنشە جاعدايلار كوميتەتٸ.
وسىعان بايلانىستى تٶتەنشە جاعدايلار كوميتەتٸندە شۇعىل شتاب جۇمىس ٸستەپ جاتىر. وعان كوميتەت باسشىسى ۆلاديمير بەككەر تٶراعالىق ەتەدٸ.
جاعدايدى باقىلاۋدا ۇستاۋ ٷشٸن وقيعا ورنىنا ٸشكٸ ٸستەر مينيسترٸنٸڭ ورىنباسارى يۋريي يلين مەن ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرگەي گروموۆ جەنە اۋىل شارۋاشىلىعى مينيسترلٸگٸنٸڭ ٶكٸلٸ اتتانعان.
اپاتتىق قۇتقارۋ جۇمىستارىنا تٷركٸستان وبلىسىنان 267 قۇتقارۋشى جەنە 26 تەحنيكا تارتىلعان. سونداي-اق شىمكەنتتەن 300 ەسكەري جەنە 28 تەحنيكا باردى. ۇزىناعاش ەلدٸمەكەنٸندەگٸ ۇلتتىق ۇلاننان 460 ەسكەري دايىن تۇر.
ەستەرٸڭٸزگە سالا كەتەيٸك, 1 مامىردا ساردوبا سۋ قويماسى بٶگەتٸن سۋ شايىپ كەتۋٸنە بايلانىستى ٶزبەكستاننىڭ سىردارييا وبلىسىنداعى ەلدٸمەكەندٸ سۋ باستى.
سونىڭ سالدارىنان ماقتاارال اۋدانىندا شەكارا ماڭىنداعى بٸرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ تٶگٸلٸپ, جەڭٸس, جاڭا تۇرمىس اۋىلدارىن سۋ الىپ كەتتٸ. وبلىستىق ماڭىزى بار «مىرزاكەنت - جەڭٸس - جاڭا تۇرمىس» اۆوموبيل جولىن سۋ باسىپ, كٶلٸك جٷرە الماۋدا.
سونداي-اق تٷركٸستان وبلىسىندا سۋ تاسقىنى قاۋپٸ تٶنگەن 3 اۋىلدىڭ حالقى ەۆاكۋاتسييالانىپ جاتىر.
