Maqtaaral aýdanyndaǵy sý shaiǵan Órgebas aýylynda alǵashqy 66 úidiń irgetasy qalanyp, 20 úidiń shatyry jabyldy. Sondai-aq, 20 úidiń qabyrǵasy órilip, birinshi jappasyn jabý jumystary júrgizilýde, dep habarlaidy "Ult aqparat".
195 turǵyn úi bar Órgebas aýylynda búgingi tańda 145 baspana tolyq buzylyp, qurylys júrip jatyr. Al, 50 úidi buzbaýǵa turǵyndardyń ózderi ótinish bildirgen. Atalǵan aýylǵa jaýapty bolyp bekitilgen Jetisai aýdany ákiminiń orynbasary Serik Pirimbekovtyń aitýynsha, 195 úidiń 184-ine 8,5 mln teńgeden aýdarylǵan.
Qalǵan qarjy ekinshi transhpen aýdarylady. Baspanasyn ózderi salatyn turǵyndarǵa qurylys materialdaryn jetkizip berý jumystarynda qolbailaý joq. Iaǵni, Jetisai aýdandyq ákimdigi qurylys materialdaryn shaǵyrýmen ainalasatyn kásipkerlermen kelisip, qajetti materialdardy der kezinde jetkizip berý úshin kelisimshart jasalǵan.
«Qurylys materialdaryn shyǵaratyn nemese satatyn kásipkerlerdi osynda arnaiy shaqyrtyp, aýyl turǵyndarymen kezdesý ótkizdik. Sonyń arqasynda búgingi tańda qurylys materialdarynan tapshylyq joq. Negizinen qurylys materialdary Shymkent pen Saryaǵash qalalarynan jetkizilýde», - deidi Jetisai aýdany ákiminiń orynbasary Serik Pirimbekov.
Aita keteiik, jalpy Órgebas aýylyndaǵy 195 úidiń 7-eýinde qujattary jóninde másele týyndaǵan bolatyn. Iaǵni, 7 úidiń sý almai turyp qujattary zańdastyrylmaǵan. Qazirgi tańda bul úi ieleriniń qujattaryn rásimdeýine kómek berý jumystary júrgizilýde. Budan bólek, órgebastyq 195 otbasynyń bári derlik 1000 AQSh dolllaryna iaǵni, ótemaqyǵa qujattaryn túgel tapsyrǵan. Onyń búginde 8 paiyzy ǵana tólenbei tur.
Óitkeni bul qujattar komissiia qaraýynda jatyr. Al, 100 myń teńgelik ótemaqyǵa qujattardy oblystyq qarjy jáne memlekettik aktivter basqarmasymen birigip, qujattar túgendelgen. Sońynan komissiiaǵa ótkizilip, jaqyn kúnderi aýdarylady dep kútilýde.
«Úi qurylysynan bólek, Órgebas aýylynda úsh kópirdi qaita qalpyna keltirý men 4 negizgi kóshege tas tóseý, asfalttaýǵa daiyndaý jumystary da qatar jalǵasýda. Qazirdiń ózinde sý tasqynynan oiylyp ketken Mádeniet jáne Birlik kósheleri qalpyna keltirilgen. Sondai-aq, qoqys jáne qatty qaldyqtardy shyǵarý jáne úi salý jumystaryna Jetisai aýdany men Ózbekstan Respýblikasynan kelgen 10 arnaiy tehnika men 170 jumysshy eńbek etip jatyr», - dedi Serik Pirimbekov.
