Sý tasqyny bolǵan aimaq mal ólekselerinen tolyqtai tazartyldy. Bul týraly oblystyq aýyl sharýashylyq basqarmasy veterinariialyq sharalardy uiymdastyrý bóliminiń bas mamany Arman Taǵaev málimdedi, dep habarlaidy "Ult aqparat".
Óńirlik kommýnikatsiialar qyzmetinde ótken brifingte bas maman topan sý basqan 5 aýylda mal aýrý túrleriniń taralý qaýipi joq ekenin atap ótti.
Onyń sózinshe, topan sý basqan aýyldardan jalpy 931 bas mal óleksesi shyǵarylǵan. Onyń 40-y iri qara, 876-sy ýaq mal, 9-y jylqy, 6-ýy túie.
«Tótenshe jaǵdaidan kelgen zardaptaryn joiý maqsatynda oblystyq aýyl sharýashylyǵy basqarmasy, Maqtaaral aýdandyq aýmaqtyq inspektsiiasy jáne Maqtaaral aýdandyq «Veterinariialyq qyzmeti» ókilderinen arnaiy komissiiasy qurylǵan bolatyn. Jumys barysynda mal ólekseleriniń sany anyqtalyp, onyń kópshiligi Ózbekstannan aǵyp kelgeni belgili boldy. Qazirgi tańda maqtaaraldyqtardyń 46 bas aýyl sharýashylyǵy janýarlary men 98 bas úi qustary ólgeni anyqtalyp otyr. Ketken shyǵyn tolyǵymen eseptelip, nátijesinde 10,6 mln teńge oblystyq qordan tóleý joldary qarastyrylýda» , – dedi A.Taǵaev.
Aita keteiik, búgingi tańǵa topan sý shaiǵan aimaqtarda aýrýdyń taralýyn boldyrmaý maqsatynda 1 018,5 myń sharshy metr aýmaq zalalsyzdandyrylǵan. Bul jumystardy atqarýǵa barlyǵy 39 maman men 16 tehnika jumyldyrylǵan. Sondai-aq, aýdanda veterinariialyq qaýipsizdikti qamtamasyz etý úshin ólekseden tazartylǵan aýmaqtardy 3 paiyz kaýstikalyq sodamen zalalsyzdandyrý jumystary júrgizilýde.
