سۋ تاسقىنى بولعان ايماق مال ٶلەكسەلەرٸنەن تولىقتاي تازارتىلدى. بۇل تۋرالى وبلىستىق اۋىل شارۋاشىلىق باسقارماسى ۆەتەرينارييالىق شارالاردى ۇيىمداستىرۋ بٶلٸمٸنٸڭ باس مامانى ارمان تاعاەۆ مەلٸمدەدٸ, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە باس مامان توپان سۋ باسقان 5 اۋىلدا مال اۋرۋ تٷرلەرٸنٸڭ تارالۋ قاۋٸپٸ جوق ەكەنٸن اتاپ ٶتتٸ.
ونىڭ سٶزٸنشە, توپان سۋ باسقان اۋىلداردان جالپى 931 باس مال ٶلەكسەسٸ شىعارىلعان. ونىڭ 40-ى ٸرٸ قارا, 876-سى ۋاق مال, 9-ى جىلقى, 6-ۋى تٷيە.
«تٶتەنشە جاعدايدان كەلگەن زارداپتارىن جويۋ ماقساتىندا وبلىستىق اۋىل شارۋاشىلىعى باسقارماسى, ماقتاارال اۋداندىق اۋماقتىق ينسپەكتسيياسى جەنە ماقتاارال اۋداندىق «ۆەتەرينارييالىق قىزمەتٸ» ٶكٸلدەرٸنەن ارنايى كوميسسيياسى قۇرىلعان بولاتىن. جۇمىس بارىسىندا مال ٶلەكسەلەرٸنٸڭ سانى انىقتالىپ, ونىڭ كٶپشٸلٸگٸ ٶزبەكستاننان اعىپ كەلگەنٸ بەلگٸلٸ بولدى. قازٸرگٸ تاڭدا ماقتاارالدىقتاردىڭ 46 باس اۋىل شارۋاشىلىعى جانۋارلارى مەن 98 باس ٷي قۇستارى ٶلگەنٸ انىقتالىپ وتىر. كەتكەن شىعىن تولىعىمەن ەسەپتەلٸپ, نەتيجەسٸندە 10,6 ملن تەڭگە وبلىستىق قوردان تٶلەۋ جولدارى قاراستىرىلۋدا» , – دەدٸ ا.تاعاەۆ.
ايتا كەتەيٸك, بٷگٸنگٸ تاڭعا توپان سۋ شايعان ايماقتاردا اۋرۋدىڭ تارالۋىن بولدىرماۋ ماقساتىندا 1 018,5 مىڭ شارشى مەتر اۋماق زالالسىزداندىرىلعان. بۇل جۇمىستاردى اتقارۋعا بارلىعى 39 مامان مەن 16 تەحنيكا جۇمىلدىرىلعان. سونداي-اق, اۋداندا ۆەتەرينارييالىق قاۋٸپسٸزدٸكتٸ قامتاماسىز ەتۋ ٷشٸن ٶلەكسەدەن تازارتىلعان اۋماقتاردى 3 پايىز كاۋستيكالىق سودامەن زالالسىزداندىرۋ جۇمىستارى جٷرگٸزٸلۋدە.
