Maqtaaral aýdanynda topan sý basqan Órgebas pen Firdaýsi aýyldarynda qabyrǵasy shytynaǵan úiler men qora-qopsy materialdaryn retteý jumysy bastaldy. Aldaǵy eki-úsh kúnde turǵyndar jańa úilerdiń irgetasyn qalaýǵa kirispek, dep habarlaidy "Ult aqparat".
Aýdan ákimi Baqyt Asanovtyń aitýynsha, qazirgi tańda sý basqan 5 aýylda túgendeý jumystary júrip jatyr. Bul ispen arnaiy top ainalysýda.
«Aldaǵy eki-úsh kúnde qansha úidiń buzylyp, qanshasy qaita salynatyny belgili bolady. Sol kezde bul týraly málimetti jalpyǵa jariia etemiz. Ázirge turǵyndar ýaqytty tiimdi paidanyp, sý shaiǵan aýlasyn kúl-qoqystan tazartyp, qulaǵan úiler men qora-qopsysyn retke keltirip jatyr», - deidi Baqyt Asanov.
Aita keteiik, Órgebas pen Firdaýsi eldimekenderiniń turǵyndary eshqaida kóshirilmeitin boldy. Sebebi, aýyl turǵyndary turǵylyqty jerinen kóshkisi kelmeitinin aitqan bolatyn.
Sondai-aq, jergilikti halyq jańadan salynatyn baspana qurylysyn ózderi júrgizetin bolyp kelisilgen. Iaǵni, buzylǵan úilerdiń ótemaqysy turǵyndarǵa úkimettik rezervten kezeń-kezeńimen aýdarylady.
Taiaýda ǵana úkimettik komissiia men turǵyndardyń kezdesýinen keiin osyndai sheshim qabyldanǵan edi.
