ماقتاارال اۋدانىندا توپان سۋ باسقان ٶرگەباس پەن فيرداۋسي اۋىلدارىندا قابىرعاسى شىتىناعان ٷيلەر مەن قورا-قوپسى ماتەريالدارىن رەتتەۋ جۇمىسى باستالدى. الداعى ەكٸ-ٷش كٷندە تۇرعىندار جاڭا ٷيلەردٸڭ ٸرگەتاسىن قالاۋعا كٸرٸسپەك, دەپ حابارلايدى "ۇلت اقپارات".
اۋدان ەكٸمٸ باقىت اسانوۆتىڭ ايتۋىنشا, قازٸرگٸ تاڭدا سۋ باسقان 5 اۋىلدا تٷگەندەۋ جۇمىستارى جٷرٸپ جاتىر. بۇل ٸسپەن ارنايى توپ اينالىسۋدا.
«الداعى ەكٸ-ٷش كٷندە قانشا ٷيدٸڭ بۇزىلىپ, قانشاسى قايتا سالىناتىنى بەلگٸلٸ بولادى. سول كەزدە بۇل تۋرالى مەلٸمەتتٸ جالپىعا جارييا ەتەمٸز. ەزٸرگە تۇرعىندار ۋاقىتتى تيٸمدٸ پايدانىپ, سۋ شايعان اۋلاسىن كٷل-قوقىستان تازارتىپ, قۇلاعان ٷيلەر مەن قورا-قوپسىسىن رەتكە كەلتٸرٸپ جاتىر», - دەيدٸ باقىت اسانوۆ.
ايتا كەتەيٸك, ٶرگەباس پەن فيرداۋسي ەلدٸمەكەندەرٸنٸڭ تۇرعىندارى ەشقايدا كٶشٸرٸلمەيتٸن بولدى. سەبەبٸ, اۋىل تۇرعىندارى تۇرعىلىقتى جەرٸنەن كٶشكٸسٸ كەلمەيتٸنٸن ايتقان بولاتىن.
سونداي-اق, جەرگٸلٸكتٸ حالىق جاڭادان سالىناتىن باسپانا قۇرىلىسىن ٶزدەرٸ جٷرگٸزەتٸن بولىپ كەلٸسٸلگەن. ياعني, بۇزىلعان ٷيلەردٸڭ ٶتەماقىسى تۇرعىندارعا ٷكٸمەتتٸك رەزەرۆتەن كەزەڭ-كەزەڭٸمەن اۋدارىلادى.
تاياۋدا عانا ٷكٸمەتتٸك كوميسسييا مەن تۇرعىنداردىڭ كەزدەسۋٸنەن كەيٸن وسىنداي شەشٸم قابىلدانعان ەدٸ.
